Mervin Wyatt-Ras (AVP): Xiomara a pega cu e actitud negativo y arogante di Evelyn
Mervin Wyatt-Ras durante su discurso den reunion tocante presupuesto di anja 2015 di Staten a elabora encuanto diferente punto, manera reglamento di orden, independisacion di Parlamento, ombudsman, personal necesario pa haci e trabou, digitalisacion, parlamento tv, website di parlamento, comportacion den Parlamento y respet pa otro. Durante cu Wyatt-Ras tabata expresa su mes tocante respet pa otro ela referi con oposicion y entre otro Xiomara ta grita y tira cu palabranan durante reunion, keriendo cu pueblo no por skuche. Continuamente ora Wyatt-Ras y otronan ta na palabra e sra. aki ta grita palabranan di otro banda stroba otro di papia.
E sra. aki reaccionando ariba un otro colega di fraccion di AVP, sra. de Sousa-Croes, a bati duro riba su pecho y gaba con hopi muher e ta y cu e tin hopi votos. A base di e arogancia aki Wyatt-Ras a conteste cu yama otro colega pa tur sorto di nomber no ta hacie mas muher. Tampoco e no ta mas parlamentario dor di cantidad di votonan cu e tin. Mervin Wyatt-Ras a bisa cu ta bai pa e contribucion y bo control dor di bo fraccion, esta control di gobierno. Xiomara cu no ta gusta e feedback a rabia masha hopi y e ora den su turno a insulta Wyatt-Ras. Aki te hasta bisa cu Wyatt-Ras
no por para banda di dje. Esaki no tabatin nada di haber cu e topico di respet pa otro ora ta hiba discurso den Parlamento. Wyatt-Ras ta conclui cu e modus operandi di e parlamentario aki lo continua paso e e no ta mira cu e mester stop tira palabra ni ofende otro.
Wyatt-Ras por bisa cu den su trajectoria den politica cu ta mas largo cu di Xiomara ela ocupa diferente funcion y ora e tabata hunto cu e sra. aki den partido e tabata tin mucho mas voto cune sin nunca ela tire na su cara of ofende. E hecho cu e sra. aki den su arogancia tin cu bati riba su pecho y bisa cu e tin karakter y gaba cu su votos, ta duna indicacion di cu e kier haci su mes mas grandi cu e ta. Corda si Xiomara tin poder politico, ta con e lo trata hende, segun Wyatt-Ras.
Wyatt-Ras ta keda boga pa bin mas respet den Parlamento pero cu personanan negativo, hastro y arogante manera Xiomara, kende ta imita su lider, bo no por yega mucho leu. Wyatt-Ras ta lamenta un biaha mas cu Evelyn cu ta den e comision cu a traha y presenta e presupuesto no a haci nada y ora cu a mande e concepto di presupuesto eno a duna ningun reaccion. Sino a warda te ora e presupuesto ta kla pa e bin cu preguntanan di cual e mester por a sa e contestanan si ela bai reunion. Asina e ta ganja pueblo cu e ta haci pregunta mientras ela haya hopi oportunidad pa haci preguntanan aki y cuestiona e comision den nan reunion pero ela skohe pa keda cas pa sosega of haci otro trabou. Manera cu e mes a declara durante e reunion cu e no lo bai e reunionnan tampoco paso e no tin tempo pa e reunionnan aki. Xiomara cu kier cai na agrado di Evelyn ta purba imite y awor a pega cu e actitud arogante aki.
Expresionnan haci den e articulo aki no necesariamente ta refleha opinion di ArenaPoliti.co