Banco Central di Aruba ta corigi cifranan di 2014 

Recientemente Banco Central di Aruba a corigi nan cifranan turistico pa lo cual ta trata aña 2014. Esaki debi cu awor nan tin tur e cifranan corecto pa cera e aña tras di lomba. E cambionan sigur a cay den bon tera mirando cu enbes di 6.4% aña 2014 a conoce un crecemento di 7.3% compara cu 2013. Esaki ta traduci den un total di 2,872.7 miyon Florin.

Ministerio di Turismo conhuntamente cu tur e entidadnan turistico ta traha duro pa yega na e cifranan alentador asina aki. E cambio aki ta enfatisa e esfuerso grandi di un programa di mercadeo pa atrae e turistanan mas afluente pa nos isla. E turista cu den cierto forma tin e modo pa gasta riba nos isla. 

 Pa lo cual ta trata e esfuersonan den mercadeo por menciona un campaña mas dedica den e mundo digital cu enfoke specifico riba e grupo cu ta gana riba 100 mil Dollar pa aña. Mirando cu e campaña aki ta dunando resultado positivo, lo continua cu esaki pero ampliando den  mercadonan.

Mientras tanto ta sigui traha riba e Producto Aruba pa sigui eleva e calidad di nos producti pa tanto local como bishitante.

Expresionnan haci den e articulo aki no necesariamente ta refleha opinion di ArenaPoliti.co