Parlamentario Evelyn Wever-Croes (MEP): Benta den Caya Betico Croes a cai drasticamente. Empleadonan di Caya Betico Croes ta esunnan mas perhudica pa parkeermeter
ORANJESTAD – Parlamentarionan di MEP e siman aki a bishita varios establesimento den caya Betico Croes y a combersa cu trahadornan y donjonan di establesimento.
Mayoria di tienda ta experienciando un caida formal den nan venta. Esaki no ta nobo, pasobra desde di introduccion di e tram. Pa un motibo of otro esey a kibra e smaak di nos hendenan pa bai hasi compras den caya Betico Croes y ni cuanto gobierno purba, e no ta logra pa trese e bida bek den caya Betico Croes. Pesey hopi tienda mester a sera caba.
E dianan aki cu nos mes ta canando den caya durante oranan di mainta pa merdia, nos mes por mira con keto cosnan ta den caya. Leew leew bo ta mira un turista, pero nan no ta cumpra hopi mas.
Awor cu a bin cu parkeermeter e problemanan a bira hopi mas grandi. Venta a cai hopi mas, y menos hende ta bin den caya pa hasi compras. Bo ta mira tambe cu e parkeerplaatsnan cu antes tabata yen, awor ta bashi bashi.
Mayoria di comerciante ta desaproba e forma con gobierno a introdusi e parkeermeternan, sin duna informacion debido y mas tristo, sin cumpli cu e condicionnan di crea lugar drechi pa parkeo pa empleadonan. Tambe e costo di 2 florin pa ora, ta core cu cliente.
E dolor di mas grandi ta cu empleadonan cu ta gana minimumloon mester paga 900 florin pa anja, pa nan parkeer banda di DOW, kiermeen bastante leew di nan trabou. Pa colmo di e 900 florin ey ta solamente un parti ta bai pa Arubus, e otro mitar ta somenta den otro saco. E asunto aki tin empleadonan hopi rabia, y preocupa, pasobra ora nan caba di traha nan mester cana basta leew pa bai busca nan auto, y nan ta teme pa nan seguridad. Ya caba algun a wordo molestia e siman aki ora nan mester a cana leew pa busca nan auto na momento cu ta birando scur, poniendo asina nan bida na peliger. Y peor, esnan cu ta traha na Renaissance y ta caba laat anochi. Tur esaki ta causando mas desgusto den comunidad.
Locual algun di esnan cu nos a papia cu nan ta lamenta y condena mas, ta cu Mike Eman y e ministernan mes no tin oido pa nan y no ta preocupa pa nan dolor.
Nos fraccion ta scuchando kiko ta biba bou di esnan mas afecta y ta studiando den ki forma por trese alivio den e dolor aki, segun Evelyn Wever-Croes
Mayoria di comerciante ta desaproba e forma con gobierno a introdusi e parkeermeternan, sin duna informacion debido y mas tristo, sin cumpli cu e condicionnan di crea lugar drechi pa parkeo pa empleadonan. Tambe e costo di 2 florin pa ora, ta core cu cliente.
E dolor di mas grandi ta cu empleadonan cu ta gana minimumloon mester paga 900 florin pa anja, pa nan parkeer banda di DOW, kiermeen bastante leew di nan trabou. Pa colmo di e 900 florin ey ta solamente un parti ta bai pa Arubus, e otro mitar ta somenta den otro saco. E asunto aki tin empleadonan hopi rabia, y preocupa, pasobra ora nan caba di traha nan mester cana basta leew pa bai busca nan auto, y nan ta teme pa nan seguridad. Ya caba algun a wordo molestia e siman aki ora nan mester a cana leew pa busca nan auto na momento cu ta birando scur, poniendo asina nan bida na peliger. Y peor, esnan cu ta traha na Renaissance y ta caba laat anochi. Tur esaki ta causando mas desgusto den comunidad.
Locual algun di esnan cu nos a papia cu nan ta lamenta y condena mas, ta cu Mike Eman y e ministernan mes no tin oido pa nan y no ta preocupa pa nan dolor.
Nos fraccion ta scuchando kiko ta biba bou di esnan mas afecta y ta studiando den ki forma por trese alivio den e dolor aki, segun Evelyn Wever-Croes
Expresionnan haci den e articulo aki no necesariamente ta refleha opinion di ArenaPoliti.co