MEP: Baba a legalisa e cobransa ilegal di belasting
MEP a tuma nota di parlamentario Baba Herde su critica constante riba ilegalidad di e KB. Segun Baba e KB ta ilegal y hunto cune e cambionan na e presupuesto di 2014 a base di e KB y investigacion di CFT tur ta ilegal. Baba ta bisa cu bo no por legalisa algo ilegal door di cambia su nomber. Pero Baba con a para cu e belasting cu Gobierno a cobra e trahadornan na un manera ilegal ora cu Minister De Meza a keda sin ahusta e loonbelasting y e inkomstenbelasting na inflacion na 2011? E cobransa aki a perhudica tur trahador pero Baba no a critica ni zundra of papia riba ilegalidad aki. Alcontrario, Baba a vota pro pa perhudica e trahadornan mas ya cu ningun di nan cu a manda bezwaar contra e ilegalidad aki lo haya un contesta of lo haya nan placa bek. E voto pro di Baba a haci e cobransa ilegal aki di belasting como un cobransa legal y ta e trahador ta sali perhudica. Anto net awor cu Baba mes ta bisa cu tin añanan dificil nos dilanti, bo ta haya Baba ta vota pro pa legalisa cobransa ilegal di belasting cu ta perhudica Pueblo. Baba, ta hypocritanan so ta papia bunita y haci otro.
Expresionnan haci den e articulo aki no necesariamente ta refleha opinion di ArenaPoliti.co