Manera mi a yega di scirbi caba, e idea pa manda un gobierno cas, no ta nada nobo. Esey ta socede na tur parti di mundo. Ban wak e historia.

E gobierno di por ehempel Islandia (Ijsland) a wordo manda cas door di un comision di 25 ciudadano, kendenan no tabatin ningun coneccion of lazo politico; e comision a percura pa encarcela e bankeronan y e politiconan cu tabata responsabel pa e crisis financiero na Islandia.
Mescos a socede na e ciudad Spaño Torrolodonis, mientras cu na e ciudadnan Mericano Pontiac y Detroit gerentenan (“managers”) profesional a encarga nan mes cu e maneho di e ciudad, y a elimina funcionamento di e politiconan completamente.

Laga nos tira un bista riba algun ehempel mas di paisnan unda a keda demostra y reconoci cu politiconan di berdad SÍ tin e don di gana voto, pero NO e don pa goberna of maneha un pais, y na unda cu razon ta bay over pa “managers”, of por lo menos ta envolvinan den gobernacion di un ciudad of un pais.

MERCA.
E pueblo di Merca tambe ta bisa cu ta basta cu e maniobranan y fechorianan loco y bobo, y totalmente inproductivo entre politiconan di e partidonan democratico y republicano; Donald Trump, e comerciante masha exitoso, y sigur un manager profesional, parce ta riba e caminda linea recta pa e triumfo, y parce cu lo bay bira e siguiente presidente di Merca.
Esey posibelmente no ta sigur, pero sigur SÍ ta cu e pueblo Mericano ta hartá di e famianan Bush y Clinton.
Trump ta priminti solucionnan y resultadonan, y ta esey ta locual ta conta!

CIUDAD  NEW  YORK.
E ciudad New York por a florece grandemente door di e input y e accionnan di e comerciante y manager profesional Michael Bloomberg, alcalde (burgermeester) desde 2001 pa  2013.
Bloomberg a maneha e ciudad manera e ta maneha su companianan, esta manera un berdadero manager, y NO manera un politico.
Ela haci cu e ciudad por a recupera for di un fiasco, un desaster y un chaos financiero grandi, y a cambia esaki den un ciudad prospero, limpi y cu hopi actividad.
E ciudad a bira un centro mundial pa tur cos cu bo por imaginabo: turismo, moda, finanzas, arte y teater, restaurant- y museonan, deporte, y tur forma di cultura.
Lo ta un berdadero bendicion pa Merca, si Michael Bloomberg pone su mes elegibel pa e presidencia di Merca, pero lamentablemente e no tin plannan pa haci esey.

INDIA.
India a desaroya su mes na un forma gigante, y esey tabata posibel tambe pasobra e gobierno di India tabatin e vision cu e pais enormemente grandi aki lo por a logra un desaroyo, un crecimento y un exito, unicamente si e por a dispone di un gerencia (management) bon educa pa e sector publico y priva.

Ta p ‘esey tambe den añanan 60 y 70 di siglo pasá India a habri un cantidad di institutonan riba tereno di maneho (“management”) y di calidad, cu a produci managernan capabel, capaz y experto, managernan di accion y decisivo, pa e sector publico y priva.
Esaki tabata un manera di pensa (“inzicht”) revolutionario pa e tempo ey, y na mesun momento masha logico, pasobra con lo bo kier pone un pais y su economia crece y florece, si bo NO tin un bon kader!
Pues prome cos cu mester a socede, tabata di cuminza cu e preparacionnan pa (enseñanza na) e kader, pues e managernan.

Pakiko esey no ta socede na Aruba? Ya nos no tin mester di inventa e wiel di nobo mas, pasobra India a duna e bon ehempel caba, pero e “Zieke Mieke Eman” no por, of no kier comprende esaki!


Y AWOR ARUBA.
Y awor na Aruba nos ta sintá cu un “Zieke Mieke Eman”.
Pero no pa mucho tempo mas. Pasobra, mescos cu e Pueblo di Islandia y e ciudadanonan di Torrolodonis a manda nan gobierno cas, mescos e Pueblo di Aruba tambe lo bay haci cu Mieke Eman.

Nos ta Aruba ya a yega na alrededor di 7.000 firma pa manda Mieke Eman cas por medio di un referendum revocatorio.
Ora nos yega na 20% di e cantidad di ciudadanonan cu derecho di voto (“stemgerechtigden”, cu ta 68.758), esta 13.752 firma, nos lo haci un peticion pa un referendum oficial, y den caso cu gobierno NO concede e referendum aki voluntariamente, nos lo sigui te ora cu nos tin 34.380 firma.
E 34.380 firmanan aki ta representa e mayoria (50% + 1) di e Pueblo di Aruba cu derecho di voto, y ora cu mayoria ta desea un cambio, e cambio ey lo bini tambe!!
No tin ningun Jossy Diareo Diaree, ningun Mieke Eman, ningun Henny Mitar  Bareño of Vink, cu por stop esey; ta e Pueblo ta dicidi.
Y e gobierno hulandes tampoco lo por sigui proteha Mieke Eman.

Hulanda ya desde 1 di augustus 2015 mester a interveni, y mester a actua di acuerdo cu e reglanan di e  “samenwerkingsprotocol” di dia 2 di mei 2015, pero pa straño y asombroso cu esaki por ta, Hulanda NO a haci esey!
Wel, si Hulanda NO interveni, e ora ey ta e Pueblo di Aruba lo haci esaki!!
E entousiasmo, e firmeza y e determinacion di e ciudadanonan Arubano, ta hopi visibel, y hopi alentador y animador.
Ya no ta existi temor ni angustia; Pueblo di Aruba ta bay manda e gobierno di Mike Eman cas!
Den esey no ta existi ningun duda mas!

MIEKE  EMAN,  SCIENTOLOGY  Y  MINISTERIO  PUBLICO.
Hunto cu e fin di Mieke Eman, naturalmente ta bin tambe un fin na e barco askeroso di Scientology, unda hobennan ta ser indoctrina den practicanan satanico segun e receta di e AVP di Henny y Mike Eman. Practicanan cu “Opper-Thetanen”, otro planetanan, Mars, reencarnacion, operacion Monarch, brainwash, voodoo y e tera santo Haïti.
Menos mal cu esaki pronto lo pertenece na pasado.
Fin di Mieke Eman lo ta tambe e fin di Scientology na Aruba, y e fin ademas di Bart y Eric, bo ta corda toch, e hefenan experto di Ministerio Publico, cu ta balia asina bunita manera minister di husticia Dowers ta toka. Ta e hendenan cu ta intimida un ciudadano cu persecucion penal, na lugar di persigui un set di minister cu ta comete fraude.
Pero ya, si mundo por a sobrevivi un Adolf Hitler, Aruba tambe lo sobrevivi un Mieke Eman.  
Na Hulandes ta ser bisa: EIND  GOED,  AL  GOED!!

Jan de Ruijter – Nos ta Aruba
Aruba, augustus 22, 2015.

Expresionnan haci den e articulo aki no necesariamente ta refleha opinion di ArenaPoliti.co