Siman pasa Mike Eman apasa e ley di CAFT, den cual el'a pone su mes bou curatlea, y a compromete su mes pa pasa e lista di 24 medida. E prome medida ta cu lo bai cobra 81 miyon florin e anja aki na belasting cu tin riba caya. Un poco tempo atras minister di finansas a indica cu lo tin riba 2 miyon florin di belasting atras pa cobra. Loke e minister no ta pone enfasis riba dje ta e hecho cu mayoria di e cobransanan aki a vence legalmente es decir cu no por wordo cobra mas, of ta trata di belasting di nan amigo y coleganan cu nan a duna un deal.

DEAL DI MIKE DE MESA
Hopi ta esnan cu ta puntra si nan tambe por haya un deal di belasting manera minister di finansas Mike de Mesa a haya net prome cu el'a bira minister. E deal cu segun e, e compania PRICE WATERHOUSE COOPERS a fix p'e haya debi cu e tabata hasi trabounan pa refineria Valero. E deal lo a ensera un suma di 65 mil florin na boet. Dicon e homber chikito no por haya un deal asina?
Un otro deal dudoso ta di e donjo di corant cu a haya un deal di 2 miyon florin!
Pueblo tur e tempo aki ta wordo castiga cu sumanan exagera di belasting! Pa colmo ora di controla e cobransanan bo lo ripara cu den varios caso e sumanan no ta cuadra cu realidad of nan a vence caba! Cu otro palabra sabiendo esaki toch kier intimida pueblo rancando cen innecesariamente for di dje!

Obviamente awor cu AVP a hinca Aruba den un problema financiero mas grandi cu nos pais a yega di conoce, kier trata na chica placa unda no tin! Loke AVP no ta bisa si ta cu tin un centenares di cobransanan di 2010 cu te dia di awe no a wordo regla! Kiermeen bo kier kita placa mientras bo mes debe pueblo su cen!

Expresionnan haci den e articulo aki no necesariamente ta refleha opinion di ArenaPoliti.co