Banda di regio Noord / Tanki Leendert y Paradera cu a redobla den habitante compara cu 20 aña pasa, Savaneta tambe ta un regio cu a bin ta aumenta grandemente den cantidad di habitante. E aumento di cantidad habitante pa regio, por mir’ e den rapport di Censo di aña 2010. Unda cu ta compara cantidad di habitante pa regio di aña 2010, aña 2000 y aña 1991. Si nos compara regio di Savaneta a base di e rapport di Censo 2010, na aña 2010 tawata ta tin un cantidad di 58.3 % ((11518 / 7273) x 100 %) habitante mas cu na aña 1991. 

Habitante pa regio Savaneta
Regio	Censo 1991	Censo 2000	Censo 2010
Savaneta	7273	9996	11518

Segun cu regio di Savaneta a bin ta aumenta den cantidad di habitante, e cantidad di alumno cu ta bay un scol basico procedente di regio Savaneta tambe a bin ta aumenta. Pa e aumento di cantidad di alumno cu ta bay un scol basico procedente di regio Savaneta ta visibel, mi a pone un tabel aserca cu e cantidad di alumno di cada aña escolar cu ta bay scol basico di regio di Savaneta. Pa medio di rapportnan di enseñansa  por a mira cu 20 aña pasa e cantidad di alumno cu tawata ta bay un scol basico procedente di regio Savaneta, tawata ta un averahe di 750 alumno. Den e ultimo añanan escolar tin un averahe di 1000 alumno procedente di regio Savaneta cu ta bay un scol basico. Door di compara e averahe di e cantidad di alumno cu ta bay un scol basico di 20 aña pasa cu e averahe di e cantidad di alumno cu ta bay un scol basico den ultimo añanan escolar, por mira cu den ultimo añanan escolar tin un averahe di 33,3 % ((1000 / 750) x 100 %) di alumno mas cu ta bay un scol basico procedente di regio Savaneta.

Den un comunicado anterior mi a trese dilanti cu na Aruba tin un total di 36 scol basico. Di e 36 scol basico, 2 scol basico ta den regio di Savaneta. Si pone atencion riba e cantidad total di luga cu e scolnan basico tin, ta un averahe di 750 luga.
Pa medio di e estadistica por mira cu segun regio di Savaneta a bin ta desaroya den cantidadid habitante, mas alumno cu ta bay un scol basico procedente di regio Savaneta tambe a bin ta crece. Door di analysa e desaroyo di cantidad di alumno cu ta bay un scol basico procedente di regio Savaneta, cu e cantidad di luga cu tin na e scolnan basico di regio Savaneta, por mira cu tin un averahe di deferencia di 250 (1000 – 750) luga menos.

Como cu e cantidad di alumno cu ta bay un scol basico procedente di regio Savaneta a bin ta aumenta compara cu e cantidad di luga cu tin na scolnan basico di regio Savaneta, ta hasi cu regio di Savaneta tin demanda pa un scol basico mas.

Cantidad di luga na scol basico regio Savaneta compara cu cantidad di alumno cu ta bay scol basico procedente di regio Savaneta
Aña escolar	Cantidad di alumno na Colegio Sagrado Curason (Ex Heilig Hart College)	Cantidad di alumno na Colegio Santa Famia (ex Kukwisaschool)	Luga total pa alumno na scol basico regio Savaneta	Cantidad total di alumuno cu ta bay scol basico procedente di regio Savaneta
’93 – ‘94	342	170	512	766
’94 – ‘95	321	176	497	724
’95 – ‘96	309	196	505	739
’96 – ‘97	311	229	540	801
’97 – ‘98	303	238	541	756
’98 – ‘99	321	229	550	785
’99 – ‘00	345	232	577	846
’00 – ‘01	367	242	609	865
’01 – ‘02	390	257	647	932
’02 – ‘03	401	299	700	965
’04 – ‘05	420	317	737	1003
’05 – ‘06	435	319	754	1030
’06 – ‘07	441	291	732	1017
’07 – ‘08	444	279	723	985
’08 – ‘09	463	244	707	956
’09 – ‘10	447	230	677	943
’13 – ‘14	418	284	636	998

Expresionnan haci den e articulo aki no necesariamente ta refleha opinion di ArenaPoliti.co