Andin Bikker, lider di Partido Democracia Real, ta kere cu na Aruba mester introduci un sistema manera esun di Hulanda caminda cu tur aña bo ta haya dos of tres ley general den cualnan diferente cambio y diferente ley ta wordo haci. 

Den rueda di prensa Andin Bikker a elabora riba esaki. Na Hulanda nan ta jama nan bij wetten y ta leynan cu generalmente ta trata un tema, manera ley general di enseñanza. Den e leynan general di enseñanza nan ta trata cu tur tema pa mehora enseñanza. Porta ley general fiscal pa trata areglonan fiscal, caminda tambe ta trata tur hecho pa mehora e sistema. 

Bikker a bisa cu Aruba a hereda e sistema parlamentario di Hulanda, sinembargo nos no ta conoce e sistema di leynan general aki. Lamentablemente como parlamentario mester warda ora gobierno presenta un ley cu nan mester sinta studie. Andin Bikker a bisa cu por fin despues di dos aña a bin un ley asina akinan, cu bo por trata un tema. 

Alternativa ta cu por ehemplo bo ta trata un ley di iniciativa mester busca sosten amplio pa e ley aki keda acepta, caminda cu si gobierno ta bin cu un ley mayoria di biaha e tin sosten pa esaki y mehoracion di e ley no ta haya sosten.

Pesey e ta haya cu mester studia e sistema compara cu Hulanda di leynan general cu ta trata cada bez un tema, pa trata leynan adicional cu contenido di importancia pa nos pueblo.

Expresionnan haci den e articulo aki no necesariamente ta refleha opinion di ArenaPoliti.co