Gabinete ME II: Di shete edicion di Green Aruba Conference a clausura cu saldo positivo di aliansa, cooperacion y hopi potencial
![161119 gabinetemeII greenaruba 4](/plugins/content/klixowatermark/helpers/process.php?img=images/2016-Q4/161119-gabinetemeII-greenaruba-4.jpg)
E conferencia a trata temanan relaciona cu e tema principal pa aña, cual tabata ‘Transformacion pa un Mezcla Sostenibel di Energia.’ Green Aruba ta keda un di e conferencianan di mas valioso y importante den e region, treciendo lidernan actual y den desaroyo hunto riba e temanan cu ta esencial pa e realisacion di un mundo sostenibel.
For di alineacion di polizanan publico, financiamento y e ehecucion tecnico, Green Aruba ta cubri e areanan necesario pa trece solucionnan pa otro nacionnan, na mesun momento cu nos isla ta avansa den su caminda pa sostenibilidad total. E evento ta caracterisa su mes como e plataforma pa iniciativanan cu a hiba na resultadonan palpabel y e edicion aki no tabata diferente.
Riba e di dos y ultimo dia di e conferencia a firma dos MOU cu instancianan internacional di caliber. E acuerdonan aki ta sirbi como prome paso pa mas impulso den e esfuerzonan cu ya caba Gabinete Mike Eman ta haciendo pa un transicion exitoso pa energia limpi, desaroyo di pilar di conocemento y proteccion di nos recursonan natural. Pa mas informacion, bishita www.greenaruba.org.
![161119-gabinetemeII-greenaruba-1](/images/2016-Q4/161119-gabinetemeII-greenaruba-1.jpg)
![161119-gabinetemeII-greenaruba-2](/images/2016-Q4/161119-gabinetemeII-greenaruba-2.jpg)
![161119-gabinetemeII-greenaruba-3](/images/2016-Q4/161119-gabinetemeII-greenaruba-3.jpg)
![161119-gabinetemeII-greenaruba-5](/images/2016-Q4/161119-gabinetemeII-greenaruba-5.jpg)
![161119-gabinetemeII-greenaruba-6](/images/2016-Q4/161119-gabinetemeII-greenaruba-6.jpg)
![161119-gabinetemeII-greenaruba-7](/images/2016-Q4/161119-gabinetemeII-greenaruba-7.jpg)
Expresionnan haci den e articulo aki no necesariamente ta refleha opinion di ArenaPoliti.co