Apesar cu Gabinete Eman a haya consehonan negativo toch e lo ta implementando otro medida mas riba lomba di pueblo den e 3er kwartaal di e aña aki. E biaha aki ta papiando di cobransanan riba transaccion financiero cu e cuidadano ta hasi diariamente! Ta importante pa enfatisa cu tin diferente tipo di transaccion financiero, entre otro cobranza di bo salario via banco, swipemento di bo debit /credit card ora di compras, pagonan online, transferencia di fondo riba bo buki di banco, pago di recibonan di utilidad. Pa e motibo aki
Promer cu tratamento di presupuesto 2015 fraccion di mep a pidi pa splica riba cual tipo di transaccion financiero e lo ta aplicabel. E contesta ricibi tawata " op alle vrijwillige transacties" nificando cu lo no tin distingshon riba ningun transaccion financiero! Pueblo atrobe mester bai paga!

Durante reunionan publico miembronan di fraccion MEP a pone enfasis riba e hecho cu no ta solamente Banco Central a duna un conseho pero tambe otro instancianan pero lamentablemente no a logra haya e rapportnan aki. Tur esaki ta crea e impreshon cu kier core pa duna contesta y aclara pakiko ta sigui cu algo cu tin tanto consehonan negativo riba dje. Hecho ta cu e costonan anual di projectonan ppp tin efectonan desastroso riba e desaroyo presupuestario riba tanto termino mediano y largo. Ademas no mester lubida cu na e momentonan aki e no ta esun di mas ideal financieramente tampoco responsabel pa insisti cu projectonan pasobra no tin placa!

Ta di lamenta cu AVP a bira ciego y sordo pa e situacion financiero actual! E persistencia di gabinete Eman ta pone cu pueblo un biaha mas lo ta e victima di e decision pasobra lo bai cobra tur cuidadano un financial transfer levy/tax pa por bai paga projectonan. Ta importante pa remarca cu for di existencia di Fondo Desaroyo Aruba nunca bo a wordo cobra extra pa projecto pasobra placa colecta di belasting tambe tawata bai den fondo ey. Cu lo bai tin otro nomber "Aruba investment fund" no mester per se nifica cu bo tin cu bai cobra e pueblo pagador di belasting mas placa pa capricho y iresponsabilidad di un Prome minister. Motibonan menciona ta mas cu suficiente pa nos di oposicion considera e transfer tax/levy aki otro medida sinberguensa di Gabinete Eman!

Expresionnan haci den e articulo aki no necesariamente ta refleha opinion di ArenaPoliti.co