• Cu Refineria di Aruba ta e di dos pilar economico di Aruba
• Cu protégé nos Refineria di Aruba mester ta prioridad maximo pa Gobiernonan di Aruba
• Cu desde e cierre di e refineria, Aruba a wordo impacta Economicamente, 
• Financieramente, Laboralmente y Socialmente fuerte a consequencia di esaki
• Cu Valero Energy Corporation a anuncia cu lo desmantela nos refinería proximamente
• Cu desmantela e refineria di Aruba lo ta desvastador pa Aruba y San Nicolas en particular
• Cu Parlamento di Aruba den nomber di e Pueblo di Aruba kier manda un mensahe cu nos ta contra desmantela e refineria di Aruba
• Cu Parlamento di Aruba den nomber di e Pueblo di Aruba kier manda un mensahe cu e refineria di Aruba ta un Patrimonio di nos Pueblo, Pilar di vital importancia pa e diversificacion y recuperacion economico y e recuperacion di cupo di trabao perdí
• Cu Parlamento kier manda e mensahe aki principalmente awor cu ta explorando cu gran posibilidad di exito gas den awanan territorial di Aruba
• Cu Parlamento kier manda un mensahe pa para e desmantelacion di e refinería envista cu ta conoci awor cu tin diferente interesadonan serio pa tuma over e refinería di Aruba cu próximamente lo ta reuniendo cu e Comishon Permanente di Empresanan di Estado y di Utilidad.

• Pa URGI Gobierno di Aruba pa CATEGORICAMENTE PARA DI INMEDIATO cualke intento di Valero Energy Corporation pa desmantela e Refineria di Aruba
• Pa URGI Gobierno di Aruba hasi su maximo esfuerzo pa logra e RE-APERTURA di e refineria di Aruba
• Pa URGI Gobierno di Aruba notifica Valero Energy Corporation di e posicion di Aruba expresa den e moción di Parlamento di Aruba
• Pa URGI Gobierno tuma liderazgo di e esfuerzonan pa negocia e reapertura di e refinería y no lage den man di Valero so pa hasi esaki.
• Presenta na Parlamento un plan di reapertura cu lo ta contempla tur opción pa logra esaki y pa asina logra un base amplio di apoyo pa logra e meta grandi aki

Expresionnan haci den e articulo aki no necesariamente ta refleha opinion di ArenaPoliti.co