ORANJESTAD - Recientemente diferente medionan di comunicacion sali publica cu AZV aparentemente lo a confirma cu desde introduccion di BAZV te cu awor, e organo ehecutivo AZV lo no a ricibi ningun montante na pago encuanto BAZV.

Minister di Finanzas, Angel Bermudez a confirma ayera cu e publicacionnan aki no ta cuadra cu datonan existente for di administracion financiero di Gobierno. For di e cifranan aki, e ekipo di administracion financiero di gobierno por deduci cu for di fin di mei a inicia cu e pagonan na AZV di e BAZV.

Sin embargo e mandatario ta clarifica cu en berdad esaki a conoce contratiemponan despues di su introduccion unda cu durante e prome lunanan e pago na AZV no por a wordo procesa ni administra adecuadamente na Departamento di Impuesto. Sin embargo, na varios ocasion y den Staten, Minister Bermudez  a declara esaki caba.

Pues e contratiemponan aki tabata conoci pa publico for di comienso unda cu na mes momento esunnan envolvi tabata trahando riba solucionnan al caso pa cu e situacion aki. Tur esten e contratiemponan aki a wordo resolvi pa cual desde luna di mei, manera indica cu e mandatario a indica, pagonan a bira posibel y ta tumando luga, “semanalmente AZV ta ricibi un voorschot, asina mensualmente e cuenta final aki por wordo conclui”, asina e Minister Bermudez a confirma.

Expresionnan haci den e articulo aki no necesariamente ta refleha opinion di ArenaPoliti.co