Hopi hende ta puntra nan mes dicon Gobierno bao maneho di Minister Otmar Oduber a laga midi parkeo den area di Palm Beach? Wel, laga mi splica e situacion aki pa tur ciudadano compronde e ley aki bon. E ley di e parkeermeter aki ta conta pa henter Aruba, simplemente bisa esaki ta un di e regalonan precioso cu Minister Otmar Oduber a otorga na e pueblo di Aruba y cu nan ta yama ahustacion y den un otro idioma medida. Kico mi kiermen cu esaki?
E midimento di parkeo na Aruba lo sigui tuma lugar na tur districto di Aruba y lo finalisa na San Nicolas tambe, anto mi kier pa Minister Otmar Oduber bin padilanti y informa e pueblo di Aruba cu loke mi a trece padilanti no ta berdad. Awor ta keda na prensa local y pueblo di  Aruba mes, puntra Minister Oduber si loke mi a trece padilanti no ta cuadra cu e realidad. Puntra Minister Oduber si ta bin parkeermeter na San Nicolas, si of no? Segun e ley aki ta conta pa Aruba henter, es decir cu na tur caminda cu ta wordo uza como parkeo y ta tereno publico lo instala parkeermeter tardi of trempan y mi no ta kere cu Minister Oduber lo ta capaz di discrimina un districto si y otro no? Pueblo kier sa!

Expresionnan haci den e articulo aki no necesariamente ta refleha opinion di ArenaPoliti.co