Ministerio di Cultura: Hunta di Supervision di SMAC ta conoce cambio pa bira mas eficiente
ATIA no ta forma parti di dje mas, pero ta sigui duna sosten
Minister di Cultura, Otmar Oduber a duna di conoce cu diferente cambio ta tumando lugar den e Hunta di Supervision di SMAC. El a indica cu durante ultimo lunanan a conversa riba diferente cambio cu mester tuma lugar den e structura di SMAC pa haci e organizacion aki uno mas flexibel y eficiente.
Den e cuadro aki Gobierno di Aruba y ATIA a yega na un acuerdo, despues di a reuni hunto cu e Hunta di Supervision di SMAC y cu a dicidi cu lo trece cambio den e Hunta di Supervision.
Mientras tanto, representante di ATIA, Sr. Alvin Wever, a tuma e decision cu e no ta pone su posicion disponibel. Siguientemente ATIA, den un cuarta fecha dia 5 di november 2015, a notifica Gobierno y SMAC cu pa por duna espacio pa cambionan tuma lugar cu lo mester conduci na un organizacion mas eficiente, nan ta retira for di e Hunta di Supervision di SMAC.
Den e mesun carta, ATIA ta remarca si cu nan lo continua cu nan sosten na SMAC y na Carnaval di Aruba y esaki a wordo ratifica den nan comunicado di prensa cu a wordo publica e siman aki dor di ATIA mes.
Expresionnan haci den e articulo aki no necesariamente ta refleha opinion di ArenaPoliti.co