STA CRUZ -- Partido MEP a tuma nota di lo sucedido den sala di parlamento di Aruba entre Marisol Lopez-Tromp y Chris Dammers, den cual un discusion di trabou a caba na dalmento y pushamento.
Den esey Chris Dammers a dal of a pusha Marisol, cu probablementer a dal Chris Dammers prome cu esey.
Anja pasa Parlamentarionan Chris Dammers, Ady Thijsen y Xiomara Ruiz-Maduro na Hulanda a defende un ley di Reino contra abuso di hende muher, anto awor, un anja despues esaki ta pasa?
Locual Partido MEP ta puntra su mes ta dos cos:

1. UNDA MIKE EMAN TA
Mike Eman te ainda no a duna cara na cual banda e ta para. Mike Eman mester enfrenta pueblo y condena abuso contra hende muher. Si e dicidi di keda keto, e ta aproba abuso contra hende muher un biaha mas!

2. CUANTO MAS E HENDE MUHERNAN DEN AVP TA SIGI SOPORTA
Un otro interogatorio ta cuanto mas e hende muhernan den AVP tin pensa di sigi soporta! Den e parlamentarionan di AVP nan ta trata otro na forma masha bulgar mes, Chris Dammers mes a bisa cu ta masha normal cu nan ta papia palabra malo cu otro den nan reunionnan. Ya caba lider di e fraccion di AVP Baba Herde a coba mama di Donny Rasmijn dilanti mas hende algun luna pasa. Despues Baba Herde a manda Marisol Lopez-Tromp limpi limpi cu e F***-word dia Marisol a vota contra e presupuesto. Pero Marisol a acepta esey y simplemente a exigi un SORRY.  Awor cu ta un mokete el'a haya, e pregunta ta cuanto mas e ta sigi soporta? Cuanto mas hendenan DRECHI manera Jennifer Arends-Reyes y Mervin Wyatt-Ras ta sigi soporta. Pasobra un cos ta sigur, nan a keho hopi riba MEP pero HAMAS MEP a trata su hende muhernan na e forma baho y abusador aki cu AVP SI ta trata su hende muhernan. palabra ta na Mike Eman. 

Expresionnan haci den e articulo aki no necesariamente ta refleha opinion di ArenaPoliti.co