Aruba ta e unico pais den Reino cu no tin un defensor di pueblo, e asina yama Ombudsman. Ta pesey gobierno ta abusa di cuidadanonan dia aden y dia afo. Ta pesey nos cuidadanonan por wordo cori di trabou sin cu nan derechonan ta wordo respeta. Ta pesey cuidadanonan manera Rocky Kelly por wordo prohibi di drenta parlamento sin ningun hustificacion.

Aruba mester di un Ombudsman, un defensor di pueblo, algo cu partido MEP ta trahando riba dje ya caba desde 2005.

Awor un comision a wordo institui den parlamento cu tin mas di un anja caba ta traha. Esaki ta un bon senjal pasobra e ley aki mester wordo carga pa tur partido politico na Aruba, y manera ta custumber, partido AVP no tin e madures pa acepta un ley si ta partido MEP bin cune, tin hopi ehempel pa prueba esaki.

Locual si ta alarmante ta cu tur cos ta indica cu Mike Eman a priminti Marisol Lopez-Tromp e funcion di Ombusdsman pa mucha, algo cu ta totalmente foi sla.

Un Defensor di Pueblo mester ta un persona imparcial y sin asina tanto odio y rencor. Marisol Lopez-Tromp a demostra den e anja cu e ta presidente di parlamento cu probablemente e ta e persona cu ta carga mas rabia y rencor den parlamento. Un persona cu no sa kiko kiermeen e palabra 'imparcial'. Un persona cu ta trapa regla na su antoho, pa perhudica oponentenan politico. Un persona cu ta abusa di su poder como presidente di parlamento pa silencia oponentenan. Un persona asina HAMAS por ta un Defensor di Pueblo, y sigur no un Ombudsman pa mucha. Un persona asina rencoroso y vengativo, asina negativo, mester keda leew di e instituto di Ombudsman.

Expresionnan haci den e articulo aki no necesariamente ta refleha opinion di ArenaPoliti.co