Apesar cu parlamento di Aruba ta cu reces/vacacion y majoria miembro di parlamento ta sea den exterior y algun kedando na  hotelnan local na Aruba mes igualmente esaki ta conta pa algun ministro …..e tencion politico den seno di gab Mike Eman no a termina ainda. 

Esnan  cu mas ‘nocion politico’ ta consciente cu si e  Liderato di partido  no mantene e  situacion politico bao di control cu esaki lo por nifica final di gabinete Mike Eman e anja aki ainda !! Realidad politico ta AVP despues di  a  perde  sr. Juan David Irausquin y awor drs Marisol Lopez Tromp cu nan ta na e rand di por perde mas  miembro di parlamento di Aruba. 

Pa cuminsa e bataya formal cu Ministro Otmar Oduber ta hibando pa regla e asunto di ‘ALL INCLUSIVE HOTELS’ encontra  donjonan di hotel aki na Aruba nan sentimiento a causa hopi turbulencia den seno di partido AVP. Tin cu ta contra e areglo aki y ta prefera paz cu nos hotelliernan pero tin otro entre cual Liderato di AVP cu ta consciente cu AVP no por permiti su mes pa perde ministro Otmar Oduber y cu Liderato no por permiti su mes pa duna ni e minimo di duda di esaki. Pesey  Ministro Presidente Mike Eman te na e momento aki a para fuertemente banda di ministro Otmar Oduber  riba e ‘issue’ aki. AVP menos sr. Otmar Oduber  lo no regresa den e proximo gobierno di Aruba y esey Liderato kier evita !! 

Mientras  meimei di tur declaracion hasi pa cu e ‘reapertura di e refineria’ den un upgrader  esnan cu realmente ta analisa politica aki na Aruba por a tuma nota di declaracionan di nos Ministro Presidente cu normalmente semper ta parti den e logro di TUR ministro ….den e asunto di e apertura  di locual ta bai bira e ‘upgrader’ Ministro Presidente Mike Eman a declara cu e logro aki ta responsabilidad  solo di Ministro di Energia sr. Mike de Meza !!  Esaki por sona positivo pero na mes momento pa esnan cu nocion politico di nivel  esaki ta un indicacion cu si e ‘aventura’ aki trece cosnan negativo cunele cu esaki lo ta totalmente di ministro Mike de Meza  alias the MESS su so tambe !!!  Y esnan cu ta consciente di esaki ta sinta warda  consecuencia  di e decision aki cual por extende su mes den tempo  tambe !! Pero Ministro Mike de Meza lo worde teni responsabel pa Liderato di AVP si algo serio bai robez!

Na mes momento e confrontacion  di  e mundo religioso di Aruba encuanto di e amienda di miembro di parlamento mr. Desiree de Souza Croes ta otro ‘issue’ hopi doloroso pa e Liderato di AVP !!

Cu masha boltermento a logra pa tene  asiento no. 12  den seno di AVP !!  Dos miembro di AVP a declara cu nan lo No duna sosten na e  amienda aki mientras cu tur otro ta den un silencio….esaki grandemente riba peticion di Liderato di AVP !!

E problema mas grandi ta sinta den e hecho cu Liderato di AVP no tin influencia mas riba con e agenda di Staten ta worde hinca den otro pa motibo cu e presidente di Staten a bandona AVP officialmente.  Aki  ta unda e  ‘rabo di e porco ta krul’.

No kabe duda cu e hecho cu  e amienda di Desiree a ricibi sosten di dos miembro di AVP esta sr R. Herde y sra M. Wyatt Ras ta riba peticion exclusive di Liderato di AVP cu no tabata desea pa e  pression di e asunto aki bai asina leeuw cu sra Desiree ….lo por a pensa di bandona su fraccion y partido como cu e no a ricibi e sosten pa ni sikiera discuti su amienda ora trata e cambionan den e Codigo Civil !! Pero aki ta unda e dolor ta sinta !!

Esnan cu nocion politico lo realisa cu ta importante pa sa e secuencia di e agenda di Staten ora cu Staten resumi  su funcionamento !!  Ta e agenda lo determina  con cierto topico lo worde trata y si e fraccion den Staten lo tin sosten di  12 asiento of menos ??  Pa locual ta trata e topico di apertura di  e UPGRADER …..un miembro a anuncia cu pe   refineria/upgrader ta un ‘gepasseerd station’ !!  Kiko e declaracion aki realmente ta nifica ???  Normalmente e votonan di un oposicion ta keda pendiente te  cu e contenido di e Ley(nan) ta conoci pero como cu  oposicion ta hasi comosifuera cu ta nan a logra e posibel re-apertura… gobierno parce no tin nodo di preucupa una vez cu e topico aki worde trata y worde poni na votaction ??

E pregunta ta keda si…..cu  si e  amienda di sra Desiree no ricibi e sosten cu e kier di SU fraccion….Con su posicion lo ta durante otro topico unda gobierno di AVP tin interes pa nan worde atende y pasa ? Con sra Desiree lo actua ora e realiza cu NI sr. Herde NI sra Mervin vota pa su ‘amienda’…??  E lo keda den  te final di e periodo of e lo saca su conclusion y bai e momento ey ????

Na mes momento e  forza politico di e presidente di parlamento ta  asina te cu e di dos siman di September ora cu e momento jega  pa nombra un presidente nobo di parlamento.

Tin otro miembro di fraccion di AVP cu no ta contento cu e forma cu cosnan ta andando y ta warda nan Liderato  atende nan preucupacion promer cu cualkier di e tres topico aki worde poni  na trato y votacion y nan a accentua esaki cerca serca nan Liderato di partido.Tin miembro cu ta exigi pa nan asuntonan personal worde atendi y awor ……no despues di e tratamento di e agenda ora  e reces/vacacion termina !!!

Fuera di tur esaki e decision di Liderato di AVP y Conseho di Ministro pa kita tur esnan cu pensioen dentro di poco ta pone cu varios candidato di AVP no por conta riba sosten di varios persona cu nan tabata considera nan campanjadornan y consejoronan y tin peticion pa Liderato di AVP re-evalua e decision tuma aki !!

Encorto …..cu reces/vacacion sea den exterior of na Aruba….tin hopi asunto politico cu Liderato di AVP mester atende prome cu e ‘reces/vacacion’ di Staten termina.  Tin un pression enorme riba e Liderato pero tambe riba kada  un di e miembronan di parlamento y cierto ministro cu ta consciente cu si nan no ‘perform’ den regla cierto asunto cu nan dianan lo por ta conta.

Un eleccion trempan y posiblemente e anja aki ainda lo nifica cu varios di nan lo NO regresa  mientras cu Liderato di partido lo prepara un lista pa bai  oposicion !!  Esaki ta e realidad cu ta biba den seno di AVP …tin miembro cu  nocion politico cu  ta consciente  y tin otro cu simpelmente no sa mes con serio e situacion politico den AVP ta for di momento cu asiento no. 13 cu drs. Marisol Lopez Tromp a bandona e organisacion politico berde !!  Salida di drs. Marisol tabata un sla mucho mas duro cu hopi di nan ta consciente di dje.  E final di berde ta na horizonte pa esnan cu nocion politico den seno berde !

Aruba, 20 di juli 2016                                                    Lider Politico di PPA

                                                                                         BENNY NISBET

Expresionnan haci den e articulo aki no necesariamente ta refleha opinion di ArenaPoliti.co