Cu e bendicion di nos Creador. 

Otmar Oduber, candidato di e plataforma politico POR y kende a carga e responsabilidad como Minister di Sector Primario durante 7 aña, ta bisa cu awor cu e bendicion di nos Creador cunukeronan ta beneficia di e inversionnan haci durante ultimo añanan den Santa Rosa. Esaki ta bin despues di un secura di basta aña.

Entre e inversionnan cu Oduber ta menciona tin e molinanan di awa cu a wordo instala na varios bario rond Aruba cu a cuminsa opera un biaha mas despues di tur e awaceronan cu a cay riba nos isla. Esaki sigur ta un ayudo grandi pa cunukeronan y criadornan di bestia.

Igualmente ta menciona e inversion realiza pa haci e damnan limpi. Na e momentonan aki mayoria dam ta den operacion y sector primario por haci uzo di nan.

Maneho di ultimo añanan tabata netamente pa prepara pa por acomoda cunukero y criadornan di bestia, no solamente poniendo molinanan di awa y haciendo e damnan limpi, pero tambe a haci inversion na Parkietenbos, cual lamentablemente durante e utimo 2 añanan no a funciona manera mester ta.

Otmar Oduber a menciona tambe cu a traha fuertemente pa bin cu e cambio den ley unda a percura pa elimina invoerrechten pa ekiponan pa sector primario. Igualmente aña pasa a tuma e decision y a logra convence minister di Finansas pa saca e drecreto cu ta haci sector primario uno totalmente liber di impuesto. Es decir, nan no mester paga winstbelasting ni inkomstenbelasting.

Durante e ultimo 7 añanan a Ministerio di Sector Primario a percura pa rebiba Santa Rosa, duna atencion na un di e partinan importante di nos isla cu ta agricultura, cria y pesca y asina a bin cu cambionan grandi, cambionan cu e meta pa yuda engrandece sector primario na Aruba.

Expresionnan haci den e articulo aki no necesariamente ta refleha opinion di ArenaPoliti.co