Dia 17 di oktober 2017 lidernan di partidonan MEP, POR y RED a presenta un acuerdo di formacion. E acuerdo aki ta delinea e puntonan di salida pa un posibel coalicion. E puntonan principal ta ‘bon gobernacion’, ‘finanzas publico balansa y duradero’, y ‘e ser humano central’. E acuerdo tambe ta menciona un investigacion di e situacion y riesgonan financiero di Aruba, y un investigacion den departamentonan y companianan gubernamental cu ta sensitivo pa corupcion. E acuerdo a wordo firma pa e lidernan politico Evelyn Wever-Croes (MEP), Otmar Oduber (POR) y Ricardo Croes (RED).

E intencion ta pa e puntonan aki, hunto cu mas punto cu ta wordo menciona den e acuerdo, wordo amplia den un ‘Programa di gobernacion 2017-2021’. Despues cu logra yega na un programa di gobernacion, e partidonan lo negocia e partimento di cartera (ministerionan). Ora yega na un acuerdo riba reparticion di cartera, e partidonan respectivamente lo eligi un of mas minister, cu lo mester pasa un screening.
Partidonan MEP (9), POR (2) y RED (1) hunto lo por conta riba un sosten di 12 asiento den Parlamento.

Klik aki pa lesa/download e acuerdo di formacion.

Expresionnan haci den e articulo aki no necesariamente ta refleha opinion di ArenaPoliti.co