Ministro di Husticia mr. drs  Arthur Dowers a duna un declaracion (30 di November 2015)  encuanto e  situacion na KIA nos  Korrectie Instituut di Aruba cual declaracion tabatatin como titulo “KIA no por sigui mas asina segun Minister Dowers, TIN FONDO, PERO MESTER ALOCA NAN”.   Minister Dowers lo a ranca na e bel pa locual ta trata e situacion na KIA.  Aparentemente  ministro di Husticia lo a manda un carta pa su coleganan encuanto e situacion ‘dramatico’  cu lo tin den KIA.  Ministro Dowers a bai mas leeuw bisando…..cu basicamente tin fondo, pero nan no ta disponibel pa husticia haci uzo di nan y ta na e coleganan ministro y na Staten – cual tambe ta informa di e situacion, pa tuma decisionan clave pa cu alocacion di fondo  na KIA. Ministro Dowers a declara tambe cu “mi ta mira cu tin un reparticion di fondo  di tal manera cu ta crea un desbalansa”.No ta asina cu no tin fondo na Pais Aruba. Tin fondo …!!

Opinion y pregunta di PPA:

Ministro Dowers lo  ta consciente cu lo tin algo na caminda cu lo por worde mira como un escandalo  internacional  ?   Ora  instancianan Europeo pa di tanto vez lo indica cu prison di Aruba un pais parti di Reino Hulandes keto bai  NO ta cumpli cu condicionan humano  na cual un prison (Korrectieinstituut) lo mester cumpli cunele ?  Kiko ta e  ‘desbalansa’ cu ministro Dowers ta papia di djele  ? Ministro Dowers a acusa su coleganan den Conseho di Ministro y su 13 miembro di Staten cu   tin  fondo pero KIA  no ta hanja e trato di ‘prioridad’ y como tal no ta ricibi e fondo cu tin mester pa KIA por cumpli cu e condicionan aki. Un acusacion  hopi serio den direccion di su colega ministro y e 13 di AVP den parlamento. Aki ministro  Dowers NO ta tene cuenta cu constitucionalmente  E como ministro di Husticia ta esun  personalmente responsabel pa e chaos aki cu Dowers ta referi na dje. Y cu ta Dowers como ministro di Husticia  seis anja largo no a ‘zorg’ pa e fondonan aki worde aloca pa KIA por funciona segun reglanan Internacional.  E pregunta di PPA si ta: Di con su coleganan di Conseho di Ministro  y e 13 miembro di Staten di AVP a keda den un silencio hermetico riba e topico aki !!

PRISON TA MAL TRAHA etc

Segun Ministro Dowers: “ E  prison ta mal traha, e ta traha na un forma inferior y  no a ricibi mantencion  adecua. E infrastructura no ta adecua pa maneha e tipo di criminalnan y situacionnan cu ta confronta cu n’e actualmente pa motibo di crecemento  di e populacion y globalisacion.”

Opinion di PPA:

Aki ministro Dowers ta ataka na prome lugar e trabao di X ministro sr. Watty Vos q.e.p.d. bao di kende su maneho e projecto di prison a worde prepara y ejecuta !!   Aki ta ataka  x ministro Vos su imagen, su memoria pa cu e  bon trabao pa cual ministro Vos semper  tabata conoci.  Di con ?  Kiko ministro Dowers sa cu ministro Dowers no kier bisa  anto …?  Kiko kiermen su palabranan  ‘E prison ta mal traha, e ta traha na forma inferior y no a ricibi mantencion adecua ?  E parti cu lo NO a ricibi mantencion lo mester bai pa cuenta ta otro x ministro tambe anto. PPA ta hanja stranjo cu un Staten cu mester controla gobierno a keda den un silencio hermetico despues cu e declaracion aki a worde duna pa ministro Arthur Dowers. Pakiko ? DI con no a hasi pregunta ?  Di con no a jama un reunion di parlamento riba un topico asina serio ?  PPA ta ripiti ….Kiko  ministro Dowers kier bisa pueblo ora e declara cu  ‘E  prison ta mal traha, e ta traha na forma inferior …..y no a ricibi mantencion adecua ?  Ni e asina jama ‘stroming’  RUBA den AVP a habri nan boca pa defende  memoria di x Ministro Watty Vos q.e.p.d. !!

Fuera di esaki ……NO ta prome vez cu Ministro Dowers ta insinua esaki … den e documentacion di PPA nos a bin topa cu un declaracion fecha 23 di juni 2013 den Amigoe di Aruba  bao di e titulo:” ‘LIEVER VANDAAG DAN MORGEN EEN NIEUWE GEVANGENIS”. PPA ta cita for di e declaracion aki …:”Het is gewoon slechte kwaliteit, slecht gebouwd. En daardoor heeft het beperkingen.”   Atrobe kiko Ministro Arthur Dowers kiermen  ‘Het is gewoon slechte kwaliteit,  slecht gebouwd” Insinuacionan pisa…..y ora e bisa ‘En daardoor heeft het beperkingen”   cual ta e limitacionan cu ministro Dowers kiermen ??  E limitacionan aki  tabata visible delanta tempo a prepara y ejecuta e  edificio aki ??  Unda Staten di Aruba a keda aki ??  

Ministro Dowers ta sigui den su declaracion di fecha 22  di juni  2013 den Amigoe “Nu wordt  gekeken hoe de bouw van een nieuwe gevangenis gefinancieerd gaat worden”.  Wel Wel  ….awe nos ta dos anja despues  y  pueblo di Aruba no a tende  nada di construccion di un prison nobo…..PERO  ministro di Husticia  mr.drs Arthur Dowers  tin di manda carta y declaracion publico pa pressiona   su coleganan y pa Staten pa logra simplemente 10 million florin extra……Wel wel wel……Ki stranjo …HET KAN VERKEREN ! …..E ministro di Husticia aki mr. Dowers su maneho tin confiansa  ainda di su coleganan di Conseho di Ministro y di e 13  miembro di Staten di AVP ?

RIESGO GRANDI……??

Dowers a splica cu e ta un riesgo hopi grandi pa no haci nada. Prison ta un di e aspectonan internacional cu gobierno tin responsabilidad pa cun’e y hasta ta haya control di e organisacion  europeo cu ta inspecta prisonnan. Pa e ultimo 20 anja e prison di Aruba continuamente ta ricibi critica.   Dowers a conclui  bisando cu el a asumi e responsabilidad te na unda tin medio  pa brinda servicio. Y pa awo e ta warda riba e reaccion y decisionan y si lo bin mas fondo disponibel pa cumpli cu e responsabilidad cu a worde poni riba su schoudernan.

Opinion y pregunta di PPA:

Kiko ministro Arthur Dowers kiermen cu e  ‘ta un riesgo hopi grandi pa no haci nada’ ???  Cu otro palabra  e ta splicando cu coleganan y miembronan di Staten cu  nan NO por keda sin  financia KIA cu e Diez million extra….no por.   Awor un pregunta cardinal ta bin riba mesa:

1. Ministro Dowers  por a bai Conseho di Ministro  internamente……..di con a dicidi di bai publico ….no tin confianza mas den su coleganan ?
2. Ministro Dowers por a bai  Conseho di Partijraad di AVP…..di con a dicidi di bai publico……no tin confianza den partijraad di AVP ?
3. Ministro Dowers por a bai cerca su colega Ministro di FInanzas mr. Angel Bermudez…….di con a dicidi di bai publico….no tin confiansa den mr. Angel Bermudez ?
4. Ministro Dowers por a bai cerca su Ministro Presidente mr. Mike Eman….di con a dicidi di bai publico….no tin confiansa den  su Ministro Presidente ?
5. Y finalmente Ministro Dowers debe responsabilidad constitucional na Staten di Aruba unda AVP tin 13 miembro …di con no a bai Staten……di con a dicidi di pone pression publico bentando e falta riba TUR…  Si e no ricibi e judanza ??
6. Di con ministro Dowers tanto den su declaracion fecha 22 di juni 2013 den Amigoe di Aruba como  den su declaracion fecha 30 di November den Diario  2015, e.o. ta duna un declaracion den cual E ta mina e bon memoria di x Ministro Watty Vos q.e.p.d. ?

Finalmente…….e expression di ministro Arthur Dowers por worde mira como un mensahe cu su salida/retiro como ministro di Husticia ta eminente….ora e declara ‘El  a  conclui bisando  cu el a asumi e responsabilidad te na unda tin medionan pa brinda servicio ‘.

PPA ta di opinion cu Korrectie Instituut  Aruba mester a ricibi atencion debido masha tempo di parti di gobierno. AVP ta gobernando pa seis anja kaba  sin conta otro periodo unda nan tabata responsabel  tambe.  KIA mester ricibi e financiamento  pero  e Ministro di Husticia den cualkier pais mester ta di tal ‘peso’ politico cu su voz ta worde scucha.  Claramente e procedura cu ministro Arthur Dowers a scoge pa  kana ta indica cu  E  practicamente no tin voz den gabinete Mike Eman. Y e posicion di Ministro di Husticia a worde degrada pa un ministro limosnero…..algo di lamenta.

Palabra ta na partido AVP, Conseho di Ministro y Staten di Aruba  cu tur a keda den un silencio hermetico…hasta ora  imagen, bon nomber  di x ministro Watty Vos a worde seriamente atacha pa ministro Arthur Dowers !!

Aruba 10 di December 2015                                        Lider Politico di PPA

                                                                                          BENNY NISBET

Expresionnan haci den e articulo aki no necesariamente ta refleha opinion di ArenaPoliti.co