Un di e districtonan cu sigur no a haya atencion y a ser lubida pa e gobierno di AVP ta e disctricto di Noord. Den 2 periodo di gobernacion e unico proyecto cu a ser presenta pa e bario di Noord ta e MFA Noord. Ora bo ta biba den e area aki y bo ta wak e deterorio di e scolnan, bo ta mira e deterorio di complehonan deportivo, bo ta mira deterorio di infrsatructura y un criminalidad creciente, tin cu puntra nos mes kiko gobierno a haci pa e bario di Noord. Tin masha hopi bario nobo a bin den e area di Noord y tur esakinan a wordo neglisha y lubida. Pa 2 eleccion caba AVP a cana den Noord a priminti asphalt. a priminti luz di Caya, a priminti klinker y te awe despues di 2 periodo casi tur e barionan den Noord ainda ta warda. Ta tristo y lamentabel cu gobierno ta duna prioridad na Green Corridor envez cu percura pa asphalt tur e bariona  rond di Aruba promer y percura pa tin un bon infrastrcutura. E districto di Noord merece mas atencion di e gobierno di AVP aki. Criminalidad tambe ta algo cu ta afectando Noord grandemente y gobierno no a atende cu esaki manera debe ser. Ciudadanonan ta wordo horta, nan autonann ta wordo horta, nan ta wordo atraca den nan propio cas y e insiguridad den Noord ta enorme.

Promer minister Mike Eman cada pasa algun tempo kier cana den Noord y subi un palo di luz y pone 2 luz den un Caya den Noord. Esaki no ta soluciona e problemanan cu tin. Esaki ta window dressing mescos cu e la ganja elimina BBO y despues e aumente. Den e bario di Sero Pela por ehempel e la pone 3 luz pa e henter e bario. Si bo kier haci algo pa e bario y bin cu camera y prensa pa saca potret, haci algo bon y di curason. No bin haci show y fanfaria y keda sin cumpli. Den area di Washington ta un cantidad di Caya tin cu mester wordo asfalta, esaki ta conta mescos pa areanan manera Sero Pela, Boroncana y Salijna Cerca.

Ningun di e nos cayanan aki ta asfalta, Den 2 gobernacion 3 palo di luz Boroncana y Sero Pela a haya. Hopi biaja Mike Eman a bin haci show, saca potret, bisa den korant cu AVP a cumpli, siendo cu ta show barata nan ta hasi pa haya publicidad riba ganjamento. Otro areanan cu tampoco no tin asfakt ta Kurimiaw, Alto Vista, Bubali, san Miguel, Koyari y Palm Beach.

Nos di MEP y ami sigur como un di esnan cu ta residencia den e districto di Noord kier mira mas atencion pa districto di Noord. Nos kier mehora e infrastrcutura, mehora e situacion depolrabel di e scolnan, drecha e facilidadnan deportivo. Nos compromiso tambe cu e districto di Noord mester haya porfin su Mavo, Havo y VWO. Pa 8 anja, 2 termino di gobernacion Mike Eman y AVP a impedi y prohibi e disctricto di Noord pa haya e scol aki. E suma di placa cu tawata tin disponibel pa e proyecto aki a wordo usa pa e proyecto di tram den Caya Betico Croes cu a conduci na  kiebro den Caya caminda tin 42 tienda a sera nan portnan y mas cu 120 mama y tata di famia a perde nan trabou. Nos prioridad ta e scol aki pasobra e ta un necesidad y prioridad. Un voto pa MEP ta un voto pa pone ensejansa y educacion como prioridad. 

Expresionnan haci den e articulo aki no necesariamente ta refleha opinion di ArenaPoliti.co