E calidad di nos turismo ta loke ta preocupa nos for di hopi tempo. Combersando cu tur e stakeholdersnan den nos turismo y tambe scuchando esnan cu ta traha den e sector turistico tur hende ta di acuerdo cu otro cu e calidad di turistnan no ta e calidad cu nos a custumbra na dje. Turistnan cu Otmar Oduber ta treciendo Aruba no ta gasta placa manera antes y esaki ta afectando nos unico pilar economico. E problemanan den nos turismo tin nomber y fam, Otmar Oduber. E minister aki no a percura pa tin un masterplan traha, e no a percura pa e tin un vision traha y mas bien su maneho a fracasa. Aruba a wordo converti den One All Inclusive Island, turistanan no ta gastanado placa, 30% di turistnan NO ta kedando na hotelnan mas y pa e haci e situacion mas dificil aun, den e ley pa regula All Inclusive Otmar Oduber kier bin cu 15000 camber all inclusive mas cual lo ta e cherry riba e bolo. Mi ta spera cu taxistanan, tour operetaors, retailers, restaurantnan ta consiente di esaki y ki consequencia e cantidad explisivo di 1500 camber all inclusive lo tin pa nos economia,

Di un banda e mes ta bisa con malo all inclusive ta pa un pais y di otro banda e mes ta yena Aruba cu mas hotel all inclusive. Interes di kende Otmar Oduber ta sirbi?? En todo caso nos di MEP ta sirbi interes general di nos pais y nos lo haci loke ta bin pa nos pais y nos hendenan.

Loke ta remarcabel tambe ta e hecho cu e REV PAR di Aruba ta 30% mas abou den comparashon cu e top destinacionan den Caribe. E REV PAR ta un indicador hopi importante y esaki ta midi e calidad di turistanan. E REV PAR di Aruba tawata na anja 2015 na $191 y esaki a pone cu Aruba a cai te na di 6 lugar den paisnan den Caribe. E averahe di REV PAR di paisnan den Caribe den anja 2015 tawata $226. Bisando esaki por nota claramente cu Aruba a cai atras y nos competidornan a bai laga nos hopi atras. Na momento cu e averahe di REV PAR pa top destinacionan den Caribe ta 30% mas halto cu esun di Aruba ta un indicacion cu nos a cai atras. AHATA a bisa claramento cu nos tur riba e pais aki a wordo enganja pa Otmar Oduber. Nan a bisa cu e minister a presenta un situacion cu no ta cuadra cu realidad. Den e conseho di Raad van Advies ariba e ley pa regula all inclusive tambe a menciona cu Aruba no ta atraendo turistnan cu ta gasta placa. Nan a bisa pa por haye tipo di turistnan aki mes busca accomodacionan di calidad halto. Contrario na esaki na e momentonan aki Otmar Oduber a anuncia un cantdiad di proyecto di 1, 2 of 3 strea. E tipo di accomodacionan aki NO ta contrubui na nos economia y no tin ningun balor agrega pa nos pais. Nos ta kere cu mester bin cambio den maneho di turismo. Nos ta kere cu si kier mira resulatdo mester cuminsa enfoca den mercadeo. E mercadeo actual no a duna resultado. Nos mester eleva nos product turistico. Den ultimo anjanan hopi placa a wordo inverti den mercadeo y e resultado tawata pesimo. E resultado tawata cu 2 hotel a sera nan portnan y a wordo bendi. E resultado tawata cu nos pais a wordo converti den un destinacion barata den comparacion cu e top destinacionan den Caribe y e resultado ta cu turistanan ta gastando 300 florin menos durante nan estadia. Otmar su maneho NO a duna resultado, al contrario su maneho a fracasa y tawata na su lugra pa e entrega su retiro envez di keda como minister di turismo.

Expresionnan haci den e articulo aki no necesariamente ta refleha opinion di ArenaPoliti.co