E Minister encarga cu economia a declara den prensa, cu su ministerio  a projecta pa cu e aña 2015  cu e crecemento economico lo ta alrededor di 2,5%.
Sinembargo CBA ta premira cu nos economia lo bay crece entre 2% pa 2,5% y no e 3% pa aña , conforme e Balanced Budget Akkoord di 2014 pa 2018. Esaki lo bay nifica mas medida entre otro e  aumento di BAZV entrante 8 juli 2015.
E bahamento di AZV cu 1% y aumenta e BAZV te na 2.5 % ta nada otro cu un wega pa haya mas  entrada of na otro manera bisa , duna bo algu cu e man drechi y kite bek cu e man robes.
E su nan cu lo bai sufri cu e medidanan aki ta entre otro penshonadonan y tur cu tin un entrada cu ta menos cu 2500 florin pa luna.
Riesgonan pa cu e proyeccion economico presenta ta keda existi, incluyendo posibel retraso den e  ehecucion di proyectonan di inversion planea y un situacion international debilita .
Turismo potencialmente por wordo afecta pa cu e desaroyonan socio–politico den e mercado   importante di Venezuela y desaroyonan den Caribe.
Ademas e relacion entre Aruba y Hulanda relata cu palabracionnan hasi y cu gobierno no ta tene su  mes na dje y consehonan di CFT y IMF pa cu presupuesto 2015.  
E desconfancia entre Aruba y Hulanda lo por afecta e confiancia di invercionistanan pa cu invercionan den nos pais.
Door cu nos crecemento economico lo no ta locual cu a wordo pronostifica pa 2015, nos deficit  presupuestario pa cu 2015 lo no ta 3.7% di nos GDP, algo cu CFT a remarca den su carta di juni ultimo.   
Un di e otro medidanan cu lo bay afecta nos den 2015 ta na momento cu gabinete Eman 2 entroduci  e cobransa di un Financial Transfer Levy /Tax , pa asina por financia e proyectonan manera “ Green  Corridor ringweg 3, Hospitaal y otro projectonan .
Den e rapport ultimo di 4 juni 2015 di CFT nan ta describi con Gabinete Mike Eman 2 ta sigui  aumenta e mega debe di nos pais .
Den e rapport recientemente di CFT esaki a indica na gobierno di Aruba cu nan tin mester tuma mas medida pa logra un presupuesto balansa den futuro.  
PDR ta boga pa nos amplia nos pilarnan economico cu projectonan cu ta trece entradanan riba termino cortico y swavisa e medidanan di Gabinete Eman 2 , entre otro door di reapertura di Valero cu tabata contribi cu 12% na nos GDP y relacionan economico cu paisnan den Caribe, pa asina nos no mester ta dependente di solamente un pilar economico.

Expresionnan haci den e articulo aki no necesariamente ta refleha opinion di ArenaPoliti.co