Awe a hasi exactamente 2 aña pasa cu e hoben Gerick Croes a subi riba e prestigioso lista di MEP. E politico hoben Gerick ta un persona cu tawata traha den sector priva den mundo di accountancy y belastingadvies pa 6 aña. Aunke cu e la haya su mes enfrenta cu contra tiempo ora di subi lista di MEP e la sa di lucha y para pa su principionan te cu e la sali vencedor ganando 2 caso dilanti corte. E sentencianan di hues tawata historico pasobra a determina cu subimento riba lista politico no ta un "dringende reden" pa por kita un persona di trabou. 

Durante e periodo cortico di campaña di 2013 den menos cu 2 luna e hoben politico a demostra cu poco recurso y tempo pero si cu hopi determinacion cu trabou duro y consistencia cu tin hopi lugar pa politiconan hoben y bon educa. Aunke e periodo tawata cortico asina mes e la kibra tur expectativanan logrando 350 voto demostrando cu e la haya un señal clave di comunidad pa continua cu su carera politico pa un mihor Aruba. 

E candidato Gerick Croes ta un hoben cu ta hopi activo hibando un oposicion fuerte y critico. Su meta ta pa un dia drenta parlamento pa contribui cu su conocemento,yuda eleva calidad di parlamento y controla gobierno. Gerick ta di opinion cu un politico no mester ta activo solamente ora tin campaña pero tambe ora esaki pasa. Nificando cu mester keda critico, cuestiona y expone iregularidadnan durante gobernacion. Masha pabien na Gerick Croes cu 2 añanan como un politico cu ta demostrando cu e tin tur e rekisitonan y potencial pa un dia ta representante di pueblo! E mihor deseonan ta bini di parti su team, Movimiento Electoral di Pueblo y cada un miembro di famia cu ta apoyando e den e trayectoria aki. 

Expresionnan haci den e articulo aki no necesariamente ta refleha opinion di ArenaPoliti.co