Benny Nisbet (PPA): 30% di consumidor atrasa cu pago di awa ta un indicacion con serio situacion social ta na Aruba !!
E informacion di WEB NV cu lo tin 30 % di nos pueblo consumidor di awa cu ta atrasa cu nan pagonan ta demonstra cu pueblo no por mas cu tur e medida di gobierno. Simpelmente pueblo no tin e entrada pa carga tur e peso cu e gobierno aki a pone riba lomba di nos pueblo.
30 % di nos consumidornan cu nan cuenta ta atras ta hopi mes ….wel wel….hopi tristo mes…!!
WEB NV a anuncia cu nan lo duna e pueblo algun dia pa paga nan cuenta di awa despues di cual nan lo bai over na tuma paso locual ta indica cu lo por bai over na contra meter di awa di nos pueblo.
Corta un par di mil meter di awa no ta algo normal y mester worde evita …aki tin trabao pa parlamento di Aruba na mes momento. Y 30 % ta refleha un 12.000 persona cu lo por keda sin awa.
Un derecho di un ser humano regla pa Nacionan Uni ta e derecho di pueblo riba su awa y consecuentemente No mag bai over ta corta ‘drasticamente’ den e awa cu nos pueblo/famianan ta ricibi. Na tur momento mester por garantisa nos pueblo cu e derecho aki di Nacionan Uni lo worde respeta. Y mester korda tambe cu varios constelacion di parlamento a dicidi cu WEB NV no mag di corta awa di pueblo riba un diabierna….pasobra esaki ta un abuso ora cu e pueblo mester warda full un weekend prome cu nan por hanja awa beck…sin encaso nan logra pagele.
Pa gobierno y parlamento e hecho cu 30 % di nos pueblo lo no por paga nan cuenta di awa mester ta algo pa pensa seriamente. No por sigui ‘zwaai’ cu medida pa loco ….pueblo no tin entrada pa carga medida pa loco pesey medidanan manera parkeermeters, nummerplaat como accijns den gasoline/diesel, Transaction tax, A.B.B. ta medidanan cu lo corta hundo den cartera di pueblo y perjudica mama y tatanan di famia pa por cumpli cu nan juinan.
Gabinete Mike Eman(AVP) mester realisa cu nan e bai mucho leeuw den nan maneho ….no por sigui cu un maneho di tanto diferente medida anto tur esaki pasobra un xministro di finanzas esta Ministro di Meza alias THE MESS a fay barbaramente ….PPA ta di opinion cu mester baha cierto belasting pa por duna e pueblo un espacio pa por biba na forma drechi !!
Aruba, 28 di November 2015 Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co