E situacion economico y financiero di nos pais ta preocupante. E ta situacion actual na Aruba ta uno hopi tenso y ta den estado di crisis. Ministro di turismo a bati alarma y a bai  bati e bel cu si prome ministro Eman no bini cu un cambio drastico di su maneho lo nos pais cai den un decadencia profundo. E situacion aki ta uno asina critico cu te serca gobernador un minister a bai para. Otmar Oduber a reconoce e problemanan di pais Aruba y e la vocifera esakinan na momento cu e la ganja muri y ganja entrega retiro.
Te awe gobierno no a presenta un programa di adaptacion pasobra tur cos a keda mesun cos. Si den 6 anja no por a trece cambio ta con por cambia rumbo di nos pais den 2 siman.
Na prome lugar loke nos a premira ta sosodiendo. Notable ta cu mayoria hotelnan cu ta miembro di AHATA, a haya 33% menos turista, hopi negoshi a sera nan porta, hopi trahador a perde trabao, debi na e intrankilidad cu ta reinando. Na di dos lugar e debe nacional di gobierno ta sigui subi y a yega 4 biyon florin. Y gobierno ta sigui fia placa pa paga debe. Un situacion cu ni CAFT tin bao control. Consequentente e mal maneho aki ta causa inctercidumbre enorme serca inversionistanan. Debi cu nan no sa cua medida gobierno lo bini cu ne. Tur esaki mientras e prijs di bari di crudo ta bahando rond mundo. Ta na Aruba so e pueblo no ta mira un alivio. Loke nos ta mira cu prijsnan den supermercado y servicionan ta sigui aumenta. Loke ta hasi cu inflacion ta subi y costo di bida ta bira caro. Pakico? Pasobra cu no tin control di gobierno. Pasobra no tin vision con pa atende cu e crisis cu nos pais ta aden. Nos lider Evelyn Wever-Croes, a bisa na mas cu un ocacion cu nos partido MEP tin alternativa pa baha gasto di gobierno. No mester hisa ningun belasting ariba pueblo. Mester stop cu e corupcion gubernamental. Mester stop di previligia famia, sponsernan, amigo y compinchinan di AVP.
Como politico hoben mi ta boga pa ban scapa nos unico pilar cu ta nos turismo. Nos mester un masterplan pa garantiza un turismo solido y duradero. Mester baha tarifa di awa y coriente cu 15%. Mester elimina parkeermeternan. Mester introduci un canasta basico pa proteha e consumidor y para e abuso cu ya tumando lugar cu prijsnan den supermercado. Nos partido tin oido pa dolornan di pueblo y tin e solucionan pa e pais aki pa por sake for di abismo cu e ta den actualemente. Un pais yena cu debe, un pais yena cu probleman social, un pasi yena cu criminalidad y cu un turismo den crisis. Mester bin cambio pronto y pesey MEP tey. Nos ta cla pa reto grandi di drecha nos pais y nos lo percura pa pone e ser humano central, pa e ser humano por mira un progreso den su bida y pa financieramente e mira un adelanto no locual a pasa e ultimo 6 anjanan aki!

Expresionnan haci den e articulo aki no necesariamente ta refleha opinion di ArenaPoliti.co