Den e relato di Ministerio di Transporte y Comunicacion di ministro B. Nisbet nos a pone pa e dienstjaar 1993/1994 :” het maken van ee studie naar de mogelijkheden om de haven van Barcadera te laten herstellen en zelfs uit te breiden om aldaar een ander gebied van economische acktiviteiten te bevorderen en ontwikkelen ter verder diversificatie van het Arubaanse economie” Siguidamente na maart 1994 a firma un acuerdo cu ECT pa nan haci un studio con pa muda e Containerhaven y Free Zone pa Barcadera.

Despues cu PPA a bandona gobierno na 1994 y MEP no a logra forma un gobierno cu AVP a bini eleccion y e proximo gobierno a bira Gabinete Eman 2 y 3. Durante gabinete Henny Eman 2, Glenbert Croes di OLO a bira ministro di Transporte y Comunicacion y e a para E.C.T. como consultant pasando e consultancy pa un grupo Cubano estableci na Miami. Estudionan a tuma lugar pero NO a jega na ejecucion. Despues di caida di Gabinete Henny Eman 2 cierto momento Ministro Robertico Croes a bira Lider di AVP y a inicia e proceso pa prepara AVP pa eleccion. Derrepiente a bin tende cu e vision pa muda containerhaven lo ta di ministro Robertico Croes !! PPA naturalmente a bringa bek cu tur documento y potret pa rechasa esaki. Na cierto momento AVP a larga e asunto para completamente. Na 1999 ainda sr. Bruno Werleman (q.e.p.d.) PPA a saca un comunicado fecha 14 juni 1999 den cual el a cuestiona AVP di con nan no ta muda Containerhaven pa Barcadera pa kaba ??

Despues di eleccion 2001 Aruba a hanja gabinete N Oduber 3 y 4. Durante kada tratamento di presupuesto cu PPA tabata representa den parlamento 2001 – 2005 PPA tabata hasi pregunta ki dia gobierno di MEP lo duna e projecto aki e stempel di prioridad. Mi kier a referi na un declaracion fecha 30 di mei 2002 cu e titulo: “Gabinete Oduber ta tardando pa tuma decisionan cu impacto grandi pa Aruba su Economia !” E sigiente preguntanan ta menciona den e declaracion aki: Ta bai muda Haf di Oranjestad pa Barcadera ? Ta bai destina Haf di Oranjestad pa solamente cruise turismo ? Ta bai muda free zone pa Barcadera ? Ta bai acopla un free zone na aeropuerto cu e actividadnan na Barcadera ? Ta bai desaroya e caretera planifica conoci como Ringweg 3 ? Tempo ta pasando, nos mester di accion pa stimula sector priva cu un vision y ejecucion cla…!

Declaracion di PPA, Benny Nisbet, nov 2006 : “ Traspaso di actividadnan di haf di Oranjestad pa Barcadera cu excepcion di e parti di ‘cruise’ lo habri otro capitulo economico arubano !”

31 di maart 2007 PPA, Benny Nisbet: “Vision y iniciativa cu lo conduci na re-apertura di haf di Barcadera – desaroyo di un free-zone na Barcadera y desaroyo di un harbor pa cruiseship, watgerfront y bayside development na Oranjestad ta vision di PPA !”

30 di november 2008, Benny Nisbet, PPA, Procesoi di informacion na pueblo den caso mudamento di Containerhaven pa Barcadera ta hopi poco

6 di November 2011, Benny Nisbet, PPA : “Haf di Barcadera y International Trade …ta vision di PPA !! “ !
24 di december 2008, Benny Nisbet, PPA: “Vision pa muda e haf pa Barcadera –desaroya haf oranjestad pa turismo crusero, un World Trade Center y un hub entre e haf di Barcadera y aeropuerto ta necesario !”

Na 2009 a haci un esfuerzo pa bisa cu ta ministro Robertico Croes a bin cu e vision pa muda Containerhaven pa Barcadera…PPA a contradeci esaki fuertemente un viaha mas !! Entre 1995 y 2016 tin a lo menos un 40 declaracion di PPA stimulando gobierno(nan) pa ejecuta e vision aki den cuadra di e vision major di PPA pa hasi Aruba un HUB.

Entodo caso Prome Ministro a declara cu ‘nan sonjo’ a bira realidad y cu a bin hanja e plan aki den ‘lachi’…….e declaracion aki ta contradeci otro…..Si bo a bin hanja e plan aki den ‘lachi’ e nunca por ta bo sonjo….!!

E plan pa muda containerhaven, free zone ta data di anja 1993/94 cu otro palabra sigur no 30, 40 of 50 anja pero di exactamente 21/22 anja pasa di e periodo di x Ministro Benny Nisbet, PPA …esaki ta mustra cu ora Min Pres Mike Eman y ministro Mike de Meza a hiba palabra nan a simpelmente malinforma nos pueblo. Fuera di esaki despues di PPA tabatatin 7 anja di gobernacion Henny Eman y 8 anja di gobernacion Nelson Oduber… Si acaso el a keda drumi den lachi esey a tuma lugar e.o. den gobierno di su propio ‘broerlief’ ruman…Henny Eman !!

Entodo caso un vez mas PPA ta felicita Gabinete Mike Eman cu nan tabatatin e responsabilidad pa ejecuta e vision/plan di x ministro Benny Nisbet, PPA !! Nan NO tin grandeza pa reconoce esaki pero PPA si tin e grandeza aki……..Historia y presente a demonstra un viaha mas cu PPA tabatatin razon….!! Awor ban ejecuta e ARUBA WORLD TRADE CENTER riba un parti di e tereno den haf di Oranjestad …..Aruba mester REACH FOR THE SKY !!

Aruba, 4 april 2016
Benny Nisbet,
Lider di PPA

Expresionnan haci den e articulo aki no necesariamente ta refleha opinion di ArenaPoliti.co