Luigi Bergen (MEP): No paga contribucion di mayor ni airco
‘ley ta hopi cla’
Peticion di pago: Siman pasa mayornan a publica cartanan riba facebook, ricibi di cabesante di scol preparatorio Agnes y Rayo di Solo. Ambos carta ta informa cu a paga airco den klas riba e muchanan. E carta ta culpa mayor di no a paga aircogeld y ta pidi pa paga.
Comprension: Ta comprendibel cu placa di gasto di operacion di scol no ta yega. Esaki sinembargo no ta pa falta di mucha of mayor. Conforme ley e carta mester bay pa gobierno, pa medio di directiva di SKOA, cu e mesun acusacion.
Culpabel: Gobierno ta esun culpabel pa e situacion penoso aki. Gobierno mester maneha conforme (1) tratado, (2) constitucion y (3) ley. (1) Tratado di Derecho di Mucha ta stipula cu enseñansa primario y secundario (scol preparatorio y basico y avansa) mester ta gratis. (2) E constitucion di Aruba ta stipula cu gobierno mester financia enseñansa particular mescos cu enseñansa publico. (3) Ordenansa Nacional di scol preparatorio (art. 46 inciso e2), basico (art. 54 inciso e2) y avansa (art. 66 inciso e2) ta stipula cu gasto di energia electrico mester wordo financia pa gobierno.
Caso sumario: Riba 8 di Juli 2015 huez a dicta na fabor di mayornan contra aumento di contribucion di mayor y pago di airco. Huez a indica cu SKOA no por forza ningun mayor pa paga. SKOA no por tuma ningun repercusion riba e mucha, si e mayor no paga.
Paga airco riba e muchanan ta claramente un repercusion, cu ta viola e veredicto di huez. Pa cada dia cu e violacion tuma lugar, huez a stipula un suma di mil florin, cu SKOA mester paga.
Peticion: Nos tin algun peticion na SKOA y Gobierno. (1) Cende e airco bek den klas pa e muchanan haya les. (2) Cabesante manda un carta pa directiva di SKOA cu peticion pa obliga Gobierno pa cumpli cu ley. (3) Informa Simar di e situacion penoso cu e scol ta aden na fin di aña escolar. (4) No perhudica e muchanan den ningun forma, nan no tin falta. (5) Gobierno cumpli cu tratado, constitucion y ley!!
Peticion di pago: Siman pasa mayornan a publica cartanan riba facebook, ricibi di cabesante di scol preparatorio Agnes y Rayo di Solo. Ambos carta ta informa cu a paga airco den klas riba e muchanan. E carta ta culpa mayor di no a paga aircogeld y ta pidi pa paga.
Comprension: Ta comprendibel cu placa di gasto di operacion di scol no ta yega. Esaki sinembargo no ta pa falta di mucha of mayor. Conforme ley e carta mester bay pa gobierno, pa medio di directiva di SKOA, cu e mesun acusacion.
Culpabel: Gobierno ta esun culpabel pa e situacion penoso aki. Gobierno mester maneha conforme (1) tratado, (2) constitucion y (3) ley. (1) Tratado di Derecho di Mucha ta stipula cu enseñansa primario y secundario (scol preparatorio y basico y avansa) mester ta gratis. (2) E constitucion di Aruba ta stipula cu gobierno mester financia enseñansa particular mescos cu enseñansa publico. (3) Ordenansa Nacional di scol preparatorio (art. 46 inciso e2), basico (art. 54 inciso e2) y avansa (art. 66 inciso e2) ta stipula cu gasto di energia electrico mester wordo financia pa gobierno.
Caso sumario: Riba 8 di Juli 2015 huez a dicta na fabor di mayornan contra aumento di contribucion di mayor y pago di airco. Huez a indica cu SKOA no por forza ningun mayor pa paga. SKOA no por tuma ningun repercusion riba e mucha, si e mayor no paga.
Paga airco riba e muchanan ta claramente un repercusion, cu ta viola e veredicto di huez. Pa cada dia cu e violacion tuma lugar, huez a stipula un suma di mil florin, cu SKOA mester paga.
Peticion: Nos tin algun peticion na SKOA y Gobierno. (1) Cende e airco bek den klas pa e muchanan haya les. (2) Cabesante manda un carta pa directiva di SKOA cu peticion pa obliga Gobierno pa cumpli cu ley. (3) Informa Simar di e situacion penoso cu e scol ta aden na fin di aña escolar. (4) No perhudica e muchanan den ningun forma, nan no tin falta. (5) Gobierno cumpli cu tratado, constitucion y ley!!
Expresionnan haci den e articulo aki no necesariamente ta refleha opinion di ArenaPoliti.co