Segun Parlamentario mr. Juan Ady Thijsen e situacion na Venezuela ta birando hopi explosivo. Tin hopi informacion preocupante drentando: "El Parlamento de Venezuela llama a la "rebelión popular" para defender la democracia"/"Nicolás Maduro convoca a todos los poderes de Venezuela contra el "golpe parlamentario"/"Los militares, leales en su respaldo al gobierno"/"La oposición se alista para la toma de Venezuela mientras el chavismo habla del Plan Rock’n Roll".Tambe segun Parlamentario mr. Juan Ady Thijsen e organisacion di Human Watch Rights ta hopi preocupa: "La crisis humanitaria, en los niveles de un país en guerra". Ya na juni segun parlamentarionan Hulandes a informa Tweede Kamer e situacion ta tenso y awor na octuber parse ta yegando un punto maximo di guerra. Esaki sigur por tin consequencia pa Aruba y segun Parlamentario mr. Juan Ady Thijsen na Aruba nos mester ta prepara. Refugiadonan por drenta di diferente manera via Aeropuerto cu linea comercial of avionan priva. Pero tambe por yega via barco cu por ta legalmente via wafnan of illegalmente via costanan. Tambe e pregunta ta ken ta hui for di Venezuela. E por ta hendenan no politico, hendenan liga na oposicion pero tambe e por ta hende di gobierno. E ultimo aki lo por pasa si gobierno di Venezuela perde e bataya. Refugiado por ta un civil pero tambe un militair cu ta bandona lucha. Segun Parlamentario mr. Juan Ady Thijsen tambe mester evita cu Aruba ta bira campo di guerra entre Venezolanonan pro y contra gobierno. Pa tur refugiadonan tambe mester bin medidanan di control di salud. Finalmente tambe tin e aspecto di consequencia financiero pues e gastonan. Ken ta bai paga pa esaki segun parlamentario mr. Juan Ady Thijsen. Gobierno mester ta transparante cu e parti financiero. Manera por mira consequenianan por ta hopi y segun Parlamentario mr. Juan Ady Thijsen gobierno di Aruba mester ta abierto cu pueblo y compli cu aspectonan humanitario segun tratadonan internacional pero semper defende interesnan di nos pais.

Expresionnan haci den e articulo aki no necesariamente ta refleha opinion di ArenaPoliti.co