Glenbert Croes na Gobierno di AVP: 

Nos kier halsa nos voz di alerta for di awor envista di e informacionnan cu nos a ricibi cu tin problema structural den e forma con e BRUG NOBO DI GREEN CORRIDOR TE AWOR A WORDO CONSTRUI. Ora cu e informacionnan aki yega na nos conocimiento esnan cu ta trahando riba e brug cu kier purba defende nan contratista mester compronde cu nos como respresentante di Pueblo ta nos deber pa cumpli na honor y consenshi den sigura cu interes di nos Digno Pueblo wordo bon sirbi, y awor tin PREOCUPACION GRAVE den FORMA Y FORZA STRUCTURAL di BRUG NOBO DI GREEN CORRIDOR.

NOS NO TA EXIGI MINISTER BENNY ZIEVINGER HASI NADA PASO E LO NO HASI NADA TOCH DOR CU E TA COMPROMETI CU E CONTRATISTANAN DI ODINSA NA ARUBA.

PERO NOS TA EXIGI DOW Y DTI PA CUMPLI CU BOSO DEBER PA “AMBSHALVE” TUMA ACCION PA SIGURA PA E PROBLEMANAN CU A WORDO CONSTATA PA E EXPERTONAN HULANDES WORDO CORREGI. Y CU APESAR CU NOS A WORDO INFORMA CU PLACA A CABA PASO ODINSA ARUBA DEBE HOPI CONTRATISTANAN LOCAL NAN PLACA, ODINSA ARUBA TA DEN OBLIGACION PA CONSTRUI UN BRUG “SAFE” PA HENTER NOS DIGNO PUEBLO POR HASI USO DI DJE. GOBIERNO DI AVP MESTER COMPRONDE CU E BRUG DI GREEN CORRIDOR TA HENDE LO HASI USO DI DJE Y CU SI BO TA BAI TRAHA UN COS TRAHA UN COS BON.

Otro informacion cu nos ta verificando si ta berdad cu e compania local di ODINSA ARUBA a wordo bendi cu un Compania internacional cu ta mesun cu ta metí den e Ring Weg 3/Watty Vos Boulevard.

E asunto aki ora nos a wordo informa no a stranja nos pasobra toch ta un grupo diki diki liga cu Gobierno di AVP ta y a “run” y a “fix” tur dos projecto di Green Corridor y Ring Weg 3 cu Gabinete Mike Eman.

Gobierno di AVP mester compronde apesar cu nos sa cu Gabinete Mike Eman NO TA GIVE A DAMN CU E DOLOR Y NECESIDAD CU NOS PUEBLO TA PASANDO ADEN, pero Gobierno di AVP ta bai realisa cu HENTER NOS DIGNO PUEBLO NO POR TA PASANDO DEN MALO MIENTRAS CU MINISTRONAN DI AVP Y NAN GRUPONAN TA BIBA LEKKER ENRIKESIENDO NAN MES RIBA CUSTIYA Y DOLOR DI NOS PUEBLO.

AVP REALISA CU E FIESTA AKI TA BAI CABA. E DIA TA BAI YEGA UNDA NOS DIGNO PUEBLO LO TA NA PROMER LUGAR ATROBE. Y DEN E GOBIERNO NOBO DI MEP CU NOS DIGNO PUEBLO LO ELIGI OTRO ANJA SEPTEMBER, NOS PUEBLO PORFIN LO HAYA UN GOBIERNO DI PUEBLO PA PUEBLO ATROBE CU DIOS SU PODER.

Glenbert F. Croes
Miembro di Parlamento
Fraccion di MEP

Expresionnan haci den e articulo aki no necesariamente ta refleha opinion di ArenaPoliti.co