Glenbert Croes cu advertencia pa Gobierno di AVP: 

Mi a ricibi e noticia cu Gobierno di AVP a duna permiso pa 60 trahador di afo bin traha den e refineria na Aruba via un compania local cu ta DIKI DIKI LIGÁ NA GOBIERNO DI AVP. Categoricamente mi kier expresa: ESAKI TA INACEPTABLE Y GOBIERNO DI AVP CONSIDERA ESAKI E PROME ADVERTENCIA. CORREGI ESAKI IMMEDIATAMENTE PASO SINO GOBIERNO DI AVP LO BOLBE SINJA CONOCE KENDE NOS DIGNO PUEBLO TA. NA E MOMENTONAN AKI TIN MASHA MASHA HOPI TRAHADORNAN LOCAL JUINAN DI TERRA Y CONTRATISTANAN LOCAL SIN TRABAO PASANDO NECESIDAD Y GOBIERNO DI AVP TA DUNA PERMISO PA UN COMPANIA DIKI DIKI LIGÁ NA AVP TRECE 60 TRAHADOR DI AFO? ESAKI TA INACEPTABLE Y INTRAGABLE.

Ami ta un Candidato di Pueblo PRO REFINERIA PRO TRAHADOR Y PRO CONTRATISTANAN LOCAL, nos Partido e Partido di henter nos digno Pueblo MEP ta un partido PRO REFINERIA PRO TRAHADOR Y PRO CONTRATISTANAN LOCAL. Ora cu Partido MEP como e unico partido di nos Pueblo cu a lideriza e lantamento di nos Pueblo den ACCION ORA CERO pa NOS DIGNO PUEBLO RESCATA E REFINERIA DI E ACTO CRIMINAL DI AVP Y VALERO CONTRA FUTURO DI ARUBA, KENDENAN KIER A DESMANTELA E REFINERIA, tawata pa nos RESCATA CUPONAN DI TRABAO PA NOS TRAHADORNAN LOCAL Y CONTRATISTANAN LOCAL, PA HENTER ARUBA Y SAN NICOLAS EN PARTICULA PARA FUERTEMENTE RIBA PIA BEK.

Partido MEP no ta bai acepta un conducta di Gobierno di AVP ANTI TRAHADOR LOCAL ANTI CONTRATISTA LOCAL ANTI ARUBA Y ANTI NOS DIGNO PUEBLO. SI TA PROBLEMA GOBIERNO DI AVP KIER TIN, NOS TA CLA PA BAI ACCION CONTRA E GOBIERNO AKI PA PROTEGE PATRIMONIO Y FUTURO DI NOS DIGNO PUEBLO. NA BON OF NA MALO.

Mi a haya e garantia den mi reunionnan na PDVSA cu nos trahadornan local y nos contratistanan local TIN PREFERENCIA TOTAL. Por lo cual trahadornan cu bin di afor por drenta y traha na Aruba solamente si GOBIERNO DI AVP DUNA NAN PERMISO Y ESAKI TA LOKE TA PASANDO CONTRARIO NA LOKE E ACUERDO ENTRE GOBIERNO Y CITGO TA CONTENE. Bo por tin un bon acuerdo, PERO SI BO PROPIO GOBIERNO TA TRAICIONA BO PROPIO PUEBLO TRAHADOR dunando permiso pa trahadornan di afor bin traha awor caba den e refineria, anto e problema no ta e acuerdo, e GRAN PROBLEMA TA NOS PROPIO GOBIERNO CU TA TRAICIONANDO NOS PROPIO PUEBLO. E SOLUCION: CORRE CU E GOBIERNO DI AVP DEN FORMA CATEGORICO. E PODER TA DEN MAN DI NOS DIGNO PUEBLO Y NOS DI MEP LO LIDERIZA TUR ACCION PA SIGURA CU NOS TRAHADORNAN LOCAL BIN NA PROMER LUGAR PA TRAHA DENE REFINERIA, NOS CONTRATISTANAN LOCAL BIN NA PROMER LUGAR PA TRAHA DEN E REFINERIA. GOBIERNO: BO TA ADVERTI. 

Glenbert F. Croes 
Miembro di Parlamento pa Fraccion di MEP 

Expresionnan haci den e articulo aki no necesariamente ta refleha opinion di ArenaPoliti.co