Min Pres Mike Eman tawata altanto di hedging.

Posicion di Partido MEP referente e hedging agreement ta contundente: REVOKA E HEDGING AGREEMENT Y DEBOLBE PUEBLO SU PLACA PAGÁ DIMAS NA AWA Y CORIENTE.

Nos ta haya stranjo con por ta cu 2 siman a pasa cu e feiten onderzoek a keda cla y te awe Parlamento di Aruba no a haya esaki. Nos ta sospecha cu ta bai purba “spin” e berdad y bolbe purba enganja nos Pueblo, pero MEP y henter nos Digno Pueblo ta alerta. Tambe nos ta exigi pa e feiten onderzoek wordo haci publico, pa Parlamento, Prensa y henter nos Digno Pueblo por tin conocimiento di dje.

Tambe nos ta sospecha un wega pa duna Parlamento e feiten onderzoek durante e reunion publico ter inzage pa impedi Pueblo haya sa e berdad completo y impedi henter Parlamento haya e debido tempo pa studia e feiten onderzoek completo pa e debate por wordo hiba efectivamente na defensa di e interesnan di nos Digno Pueblo.

Cu feiten onderzoek of sin feiten onderzoek, Partido MEP su postura ta contundente: REVOKA HEDGING AGREEMENT Y DEBOLBE PUEBLO SU PLACA PAGÁ DIMAS NA AWA Y CORIENTE.

Alavez for di fuentenan fededigno for di den WEB nos a ricibi e informacion cu Cuidadano Minister President Mike Eman tawata debibdamente na altura y no solamente esey nos a bin compronde for di e mesun fuente aki ta cu ta un Grupo Economico Poderoso cu lasonan estrecho cune como Lider di AVP y Prome Minister di Aruba ta vincula cu e negoshi di hedging den perhuicio di henter nos Digno Pueblo Aruba. E abuso di marca mayor di e hedging agreement ta un crimen contra henter nos Pueblo y nos mester para e hedging y e Gobierno aki cu forza y determinacion. Nos di MEP NO ta permiti e abuso y crimen aki continua.

Nos lo warda e feiten onderzoek bira conoci pa nos evalua si e hechonan constata den e investigacion ta completo, si Gobierno purba cambia e contenido di e investigacion MEP lo divulga tur loke Gabiente Mike Eman purba sconde.

Expresionnan haci den e articulo aki no necesariamente ta refleha opinion di ArenaPoliti.co