Parlamentario mr. Juan Ady Thijsen a tuma nota cu atrobe gobierno a invita gremionan pa un dialogo social. Segun parlamentario mr. Juan Ady Thijsen esaki ta nada mas un show di parti Mike Eman Prome Ministro y lider di AVP pa ganja mustra Hulanda cu e tin e gremionan na su banda y cu e tin draagvlak. Gobierno ta usa e gremionan manera un decoracion di su mata di kerstboom. Den cuadra di esaki  parlamentario mr. Juan Ady Thijsen ta referi na e hecho cu Gobierno a yega na 2010 varios acuerdo cu gremionan cual acuerdonan gobierno no a cumpli.

Por ser menciona acuerdonan pa mehora klima di inversion, maximo participacion laboral, crea economia pro medio ambiente y tambe maneho financiero manehable. Ningun di e puntonan aki cu gremionan no a ser cumpli segun parlamentario mr. Juan Ady Thijsen.

Di otro banda ora Mike Eman Prome Ministro y lider di AVP a sera su protocolnan cu Hulanda cu ta mishi cu nos autonomia y cu ta base pa medidanan e ora ey si Mike Eman no a acerca e gremionan. Awor gobierno kier sinta cu gremionan pa resolve problemanan di criminalidad mientras gobierno mes ta causante den esaki dor di su falta di un bon maneho economico y social. Hasta gobierno a bai asina lew di nenga un proposision di amienda di MEP pa 9 miyon extra pa combati criminalidad. Pues e gobierno aki no ta e solucion aki pa nos pais y mester hala un banda pa un mihor gobierno. Gremionan mester realisa cu gobierno solamente ta uzanan pa decoracion di su mata berde di kerstboom y gremionan mester para duro pa e bienestar di nos pais y nan tambve bisa gobierno e tin cu bai cas. Esun cu no para awor tambe ta complice di e massacre di nos pais segun parlamentario mr. Juan Ady Thijsen.

Expresionnan haci den e articulo aki no necesariamente ta refleha opinion di ArenaPoliti.co