Desde cu Mervin a drenta Parlamento el’a conose henter mundo caba!

Parlamentario Mervin Wyatt-Ras ultimadamente ta manera un hende razo. E no ta cuida su curpa mas, y e no ta comporta mas manera un dama. Tempo Mervin tabata den MEP e tawata asina un persona decente y amable. Awe e ta mas bien un llorona tur frustra. Desde cu Mervin a drenta Parlamento y a cuminsa gana e salario di Parlamentario, Mervin a conose henter mundo caba. Tur skina di mundo Mervin a yega, te hasta Asia. Pa un persona tin un dushi bida asina di bai vakantie por lo menos 6 biaha pa anja, ta masha hopi reunion den Parlamento el’a perde. E reunion probablemente mas importante den 2014, e presupuesto supletorio dia 27 di november, Mervin a perde pasobra ela bai hasi compras Thanksgiving shopping. Esey pa Mervin tawata mas importante cu defende pueblo contra e medidanan di Gabinete Mike Eman?
Loke ta mas tristo ta cu hustamente Mervin ta esun cu ta cuestiona nos lider, cu t’ey presente na TUR reunion publico importante den Parlamento. Y no manera Mervin cu a coi su caminda y bai biaha tempo su lider a bai den welga di hamber y despues ora mester a trata e presupuesto supletorio. Sin conta e leynan di salud, den cual el’a briya cu su ausencia, siendo cu e ta presidente di e comision di salud di Parlamento.
A bira ora pa Mervin busca ayudo profesional, pasobra no ta sano cu e ta subi riba lomba di nos lider di es forma ey, mustrando casi un atraccion diabolico pa nos lider. Esaki ta algo masha patetico caba, y tin hopi hende cansa. Despues, den su ansha y frustracion, tambe ta cuestiona si Xiomara ta muher suficiente. Tur esey ta mustra cu Mervin tin un problema serio, y mester busca ayudo profesional hopi liher.

Expresionnan haci den e articulo aki no necesariamente ta refleha opinion di ArenaPoliti.co