Mientras tin 22 persona inscribi na JOBCENTER,  Paul Croes ta aproba pa mas stranhero traha como SECURITY!

ORANJESTAD -- E fiesta di permiso na oficina di minister di labor mester wordo investiga. Ta apenas algun siman pasa cu Corte di Prome Instancia den un caso sumario a dicta cu un medio di comunicacion no mester rectifica su acusacionnan contra minister di labor Paul Croes, cu lo tin fiesta di permiso na su despacho.
E medio di comunicacion a trese cantidad di ehempel dilanti con e minister ta actua contra su propio maneho y contra su propio reglanan.
Varios actonan cuestionable a wordo denuncia, y pa ningun di nan e medio di comunicacion mester rectifica, pasobra Corte den Prome Instancia a haya suficientemente prueba cu tin actonan hopi dudoso entre nan.

Tur cos ta cuminsa cu un carta standard cu e mesun contenido y e mesun lay out ta wordo traha den cada caso. Algo stranjo riba su mes, pasobra lo bo pensa cu cada persona cu hasi un peticion mes ta traha nan carta, pero aki ta parse cu tur e cartanan cu Paul Croes a aproba pa duna excepcion, ta traha pa e mesun persona na e mesun caminda.
Mesora cu e carta wordo traha e minister ta aproba pa hasi excepcion y asina salta e procedura di bai via job-centyer. E minister no ta ni tuma tempo pa check cu job-center si tin hendenan na Aruba caba ta busca trabou, no! Mesora, sin consulta y sin busca conseho, e mes ta aproba cantidad di excepcion pa asina e hendenan por cuminsa cana nan caminda pa pidi permiso na DIMAS. Algo cu a causa protesta bou di e empleadonan di job-center mes!

Mientras tanto a keda prueba cu e minister a duna aprobacion pa hendenan bin di exterior pa traha como bar meisje, como secutiry, como handy man, como automonteur, etc.  Tur ta funcionnan cu tin hopi hende na Aruba mes ta buscando trabou desesperadamamente.
Pa por bende panja den un tienda, tin cantidad di dama hoben, cu diploma di MAVO buscando trabou, pero e minister ta dicidi di laga tur e hendenan ey un banda, y aproba pa hendenan bin di exterior. Un desapunto sigur pa nos hobennan cu a pone nan confiansa den e minister aki, pero ni un trabou, e minister ta permiti nan haya.

E forma di proceder aki a wordo cuestiona tambe pa SER, den un rapport extenso di november 2014. Loke ta stranjo si ta cu Ministerio Publico no ta tuma accion, pero ta parse di ta aplica e politica di sconde cabes bou tera.

Fraccion di MEP den Parlamento ta insisti cu mester investiga e procediento aki profundamente, y cu no ta aceptable cu tin fiesta di permiso, y nos propio hendenan ta wordo perhudica den esaki.

Expresionnan haci den e articulo aki no necesariamente ta refleha opinion di ArenaPoliti.co