Nos a tuma nota di e controversianan relaciona cu caso Rincon y un miembro cu e retira di e comicion cu ta encarga pa habri e refineria. Nos tur cu ta kere den e reapertura di e refineria ta dirigi nos esfuerso riba e causa cu ta habri e refineria di Aruba pa bienestar general di nos Digno Pueblo y no pa sirbi interesnan personal di ningun hende.

Nos ta pidi e comicion cu ta hasiendo trabou necesario pa acelera e proceso pa finalisa acuerdonan pa reapertura di e refineria. Nos mester ta conciente cu ningun interes ageno mester stroba e desaroyo pa logra habri e refineria. Pa loke ta trata e caso di Rincon sigur e lo por tin consecuencia pa Gabinete Eman pero nos lo no permiti esaki afecta e reapertura di refineria. Si nos por a cana e caminda corecto pa negocia y papia riba e plannan pa habri un refineria gobierno tambe por a opta pa cana e caminda correcto y no bai negocia via Roberto Rincon.

Nos meta principal ta pa sigui cana e caminda corecto y pesei mes nos kier expresa nos apoyo pa e comicion cu ta encarga cu esaki pa continua cu e trabounan pa pronto habri e refineria pa asina tata y mamanan di famia por haya nan trabou anhela. E tema di Rincon por tin consecuencia pa Gabinete Mike Eman pero nos no mester permiti pa esaki stroba reapertura di refineria.

Expresionnan haci den e articulo aki no necesariamente ta refleha opinion di ArenaPoliti.co