Den cuadra di yuda nos gobernantenan logra e miho deal pa nos pueblo cu e supuesto reapertura di e refineria, sorry ‘mejoradora’ (segun e experto petrolero di gobierno), nos di partido ABO ta haci e siguiente observacionnan/preguntanan.

Ainda hopi hende por corda e decision dramatico di 1983, caminda Lago Oil & Transport Company a anuncia cu nan lo bandona Aruba despues di tabata tin un presencia di mas di 50 aña riba e isla. E motibo pa cual a tuma e decision e tempo ey, tabata cu e gobierno nobo di Venezuela a dicidi cu e lo no a duna e refineria di Aruba crudo na un prijs preferencial. Pues e tempo di cumpra crudo subsidia a caba. Awendia nos ta bibando den un tempo casi similar.

E ‘bitumen’ Venezolano (‘pitch crude’) cu mester wordo procesa aki na Aruba pa haci’e un crudo sintetico, ta wordo subsidia pa e gobierno Venezolano pa motibonan strategico. Sin e subsidie aki, e procesamento di e ‘bitumen’, no ta economicamente factibel: ‘En el caso de la Orimulsion..no se atribuye valor alguno..considerando única y exclusivamente los intereses de los inversionistas, se utiliza el régimen fiscal como el comodín, reduciéndose la regalía a niveles ínfimos y el impuesto sobre la renta a la tasa no-petrolera. Las mejoradoras..en su diseño fiscal responden esencialmente a un régimen no-propietal, en cuanto este se utilizo también como comodín para hacer rentable la inversión sin tomarse en cuenta para nada la renumeración del recurso natural. El hecho es que en aquella PDVSA se implanto una corriente dispuestas a imponer políticas petroleras propias..es decir, implementar un régimen no-propietal. Profundamente ilegitimas y antinacionales, estas políticas se envolvieron en una espesa nube de ‘desinformación’, para decir lo menos;’(PDVSA)

Lesando esaki, teniendo cuenta cu e situacion politico actual na Venezuela cu a cambia desde december 2015 y e prijs hopi abou di e crudo Venezolano (Merey, menos cu US$ 26, OPEP), e lo ta bon pa gobierno trece claridad y contesta e siguiente preguntanan, prome cu firma cualkier acuerdo cu CITGO (propiedad di PDVSA).

1. Cu un prijs di crudo asina abou y cu e ‘bitumen’ cu mester wordo procesa aki na Aruba ta wordo subsidia. Cuanto cupo di trabou realmente y permanente lo wordo crea?
2. Kico lo ta e salario cu un trahado di e ‘mejoradora’ lo cobra?
3. Si e salario ta abou, esey kiermen cu menos hende local lo por haya trabou?
4. Ki efecto of consecuencia esaki lo tin pa e structura laboral y social?
5. Ki garantia gobierno tin cu e subsidie riba e ‘bitumen’ no lo wordo elimina pa cu e desaroyo politico actual na Venezuela, manera a pasa na 1983 ora e gobierno Venezolano a cambia?

Pueblo no kier bolbe wordo haci contento pa 1-2 aña, pa despues haya sa cu e refineria a wordo uza atrobe como un cabay di campaña of e prijs cu e pueblo lo mester paga atrobe pa algun cupo di trabou temporal tabata demasiado halto. Pueblo kier claridad awor!

(www.aboaruba.org, This email address is being protected from spambots. You need JavaScript enabled to view it.)

Expresionnan haci den e articulo aki no necesariamente ta refleha opinion di ArenaPoliti.co