Desde e veredicto den Corte, den cual Otmar O a perde e caso contra Jan de Ruiter, te dia di awe Otmar O no a duna cara na pueblo y splica e corupcion den e caso di Bushiri, manera hues a dicta.
Esey ta laga tur espacio pa no solamente Jan de Ruiter, sino tur hende, yama Otmar pa corupto.

Tanten cu Otmar O no cuminsa un otro caso, y gana e caso ey tambe, tur hende tin e permiso di Corte pa yam" CORUPTO.

Den Parlamento tabata remarcable cu especialmente esnan di oposicion no a hasi uso di esaki na principio, probablemente kier a tene e reunion na un nivel aceptable. Sinembargo na momento cu Otmar a cuminsa insulta miembronan di partido MEP Dangui Oduber y lider Evelyn Wever-Croes, no a keda nan nada otro cu recorda Otmar O di e veredicto ey den cual un hues imparcial mes a duna tur espacio pa yama Otmar O pa corupto pa e proyecto di Bushiri.

Notable tabata cu Otmar O no a keda contento cu e acusacion aki, y mesora a bruha, e acusacionnan di corupcion a pone cu el'a stop mesora di ataca e fraccion geel, y a cai sinta sin bisa nada mas.
Esun cu tira e bala, mester spera e bala wordo tira bek, ta bon pa Otmar O tene bon cuenta cu esaki. Ora bo kier tilda otor hende di corupcion, wak den spiel prome.

Expresionnan haci den e articulo aki no necesariamente ta refleha opinion di ArenaPoliti.co