MEP: Pueblo ta rechasando parkeermeter keto bai
SOLUCION DI MEP: HABRI CAYA BETICO CROES BEK PA AUTO CORE.
Core rond unda cu bo kier den Playa y bo ta mira e boycot espontaneo di pueblo contra e parkeermeternan di Otmar Oduber. Ningun hende kier hinca nan placa den e machin, pasobra segun nan ta placa pa campanja di Otmar Oduber. Ni si e tienda mes kier paga parkeermeter pa nan, nan no ta acepta, pasobra ta placa pa campanja di Otmar Oduber.
Mira parkeerplaatsnan rond den Playa, bashi bashi. Mira Caya Betico Croes, manera riba e potret adhunto, diamars merdia 2.30 pm, bashi bashi. Tur esaki a pone cu 75 negoshi a sera. Mester hasi algo cu urgencia pa trese bida bek den Playa. Ganja cu estudio den man no ta yuda, pasobra tur hende mes por mira pa nan mes con bashi Playa ta.
SOLUCION DI MEP: HABRI CAYA BETICO CROES BEK PA AUTO CORE
Esey ta trese bida bek den Caya Betico Croes. Cuminsa cu habri caya pa auto core den oranan di atardi y fin di siman, despues amplia e orario den dia. Esey ta un solucion facil y masha efectivo.
Lastima cu minister Otmar Oduber ta keda negativo y terco, y no kier tende. E no kier duna comerciantenan ni un poco alivio. E ta keda negativo y semper bisa cu 'NO POR'!
Ta MEP mes mester drenta gobierno bek pa soluciona e problema den centro di Playa: habri camindanan bek pa auto core, y elimina parkeermeter.
Expresionnan haci den e articulo aki no necesariamente ta refleha opinion di ArenaPoliti.co