MEP: Cuanto e banderinnan di amigo di minister Otmar Oduber ta costa pueblo?
Tur hende cu trafica nos camindanan por nota e banderinnan berde cu ta promove un otro festival e luna aki. E banderinnan aki ta colga na tur rotonde y cantidad di otro caminda. Un gastamento di placa sin tin mester.
Si bo mester core riba caminda di hospital pa santa Cruz, bo ta pasa na 7 rotonde, y na cada rotonde tin mas di 8 banderin berde colga. Si bo core di aeropuerto pa playa y bo pasa La Sallestraat, bo ta topa cu 6 rotonde, tambe cada un cantidad di banderin.
Ta wordo calcula cu a gasta 100 mil florin na e cosnan aki, y tur hende sa cu e placa aki ta bai den man di amigo di Minister Otmar Oduber.
Den pasado parlamentario Mervin Wyat-Ras, tempo e tabata den MEP ainda, a cuestiona e cos aki. Hasta Mervin a laga sa cu di ora e sali for di su bungalow den Colony te ora e yega Parlamento, cantidad di e banderinnan ey ta casi dal bo den bo cara.
Awor tur hende sa di e denuncia di un periodista cu e minister su amigo ta wordo privilegia; e minister Otmar Oduber a bis'e cu e ta bai hibe Corte, pero despues a 'chicken out'.
Pesey e pregunta cu pueblo kier sa: cuanto miyones e amigo di minister Otmar Oduber ta gana cu e banderinnan berde ey?
Expresionnan haci den e articulo aki no necesariamente ta refleha opinion di ArenaPoliti.co