Despues cu Hulanda a pone Gabinete Mike Eman nan cara na verguenza ora cu despues di 61 anja di nos autonomia insular (1954 – 1985) y nos Status Aparte (1986 – pa 2015) nan a kita Aruba su autonomia financiero door di establece un CAFT na Corsow cu a bin controla maneho di gab Mike Eman periodicamente…..ata awor pa di prome vez den e periodo di nos Status Aparte un Gobernador di Aruba ta worde nombra cu NO a worde proponi pa gobierno di pais Aruba.

Esaki ta un desaroyo hopi serio…unda Gabinete Mike Eman a propone tres ciudadano esta como promer candidato mr. Angel Bermudez, como e di dos candidato dr. Ike Posner y como e di tres candidato x miembro di Staten sra Glenda Margaretha. Ningun di e tres aki no a worde hanja acceptabel pa occupa e posicion di Gobernador di Aruba pa pais Aruba …y pa tal motibo gabinete di Reino/ Minister Plasterk su mes a propone un candidato pa Gobernador di Aruba den persona di sr Alphonso Boekhoudt (x director di APA) actual Ministro Plenipotenciario na Hulanda. Aki gabinete di Reino Hulandes a dicidi di para gabinete Mike Eman formalmente …apesar cu por considera e hecho cu NO a pidi gobierno di Aruba pa manda un otro proposicion como un muestra di desconfianza den e gobierno di AVP di Ministro Presidente Mike Eman !!

KARMA A JUNGA UN ROL AKI SI !!

Tempo cu gab. Mike Eman a propone sr. Alfonso Boekhoudt como e proximo Ministro Plenipotenciario na Hulanda den seno di PPA nos a conclui cu aki ta trata ‘wegpromoveren’ di su persona pa E no ta na Aruba na momento cu lo mester propone un candidato pa Gobernador. Pasobra segun PPA tabata visible cu ta solamente un par di persona tabata destaca den nos sociedad entre cual e persona di sr. Alfonso Boekhoudt tabata un di e miho personanan. Pero e wega di ‘wegpromoveren’ anto pa Den Haag tabata visible pa nos organisacion politico. Internamente nos a conclui si cu kidao cu su presencia na Hulanda no juda pa E worde nombra tog como e proximo Gobernador di pais Aruba.

Na momento cu gobierno Eman mester a propone e lista di tres candidato…nos a bin comprende cu e persona cu Hulanda a pressiona pa nombra como ministro di Finanzas esta mr. Angel Bermudez lo tabata candidato number uno..!! Analisando esaki PPA a conclui cu aki no ta Conseho di MInistro di Aruba pero e rumannan Eman tabata hungando un wega politico bek cu Hulanda. Nan (rummanan Eman) NO tabata desea mr. Angel Bermudez riba stoel di ministro di Finanzas durante proximo eleccion na 2017….y cu nan proposicion nan tabata bisa Hulanda indirecto…..ata bo ‘bon candidato’ aki ….nos ta propone pa bo nombra como Gobernador di pais Aruba …pa asina nos AVP por nombra un otro persona como ministro di Finanzas durante periodo di eleccion …y berdad nan tabatatin un persona ‘joven’ wardanto tranquil pa e bira e proximo ministro di Finanzas y kizas bai riba lista di AVP tambe !!

Sin embargo Gobierno di Reino den persona di Ministro Plasterk segun nos humilde opinion a comprende e wega politico di e rumannan Eman y a dicidi di para nan fuertemente. Pesey ningun di e tres persona a worde nombra NI Gobernador NI Gobernador Interino !! A dicidi di nombra e mesun persona cu gab Mike Eman/AVP a ‘wegpromoveer’ pa Den Haag Hulanda………!! Aki karma a hunga un rol y el a worde proponi door di Gobierno di Reino/Ministro Plasterk como e proximo Gobernador di Pais Aruba !!

PPA ta felicita sr. Alfonso Boekhoudt cu su nombramento como Gobernador di pais Aruba entrante januari 2017 …….Pabien y exito !!

Palabranan di pabien tambe ta bai na nos proximo Gobernador Interino sra Yvonne Lacle-Dirksz …Hopi pabien y exito !!

Na Gabinete Mike Eman (AVP) nos mensahe ta …lastima cu door di e proceso aki ta Aruba su ‘autonomia’ a bolbe como un sla ….pero den AVP ..pais Aruba NO tin un partido politico NI gobierno cu por defende ‘interes general’ y autonomia di pais Aruba. 

Aruba, 8 di oktober 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co