Fraccion MEP: Segun veredicto di hues minister Michelle Hooijboer-Winklaar a duna prioridad na su casa, en bes di studiantenan na Hulanda
Pueblo a paga 23 mil florin pa e caso aki!
ORANJESTAD – Den Parlamento a trata varios tema, entre otro corupcion den gobernacion. Den e cuadro aki Lider di MEP a trese padilanti como un di e tantisimo ehempelnan di corrupcion, e caso di “insure-to-study”, cu te awe ta keda un caso hopi cuestionabel.
Nos tur ta corda e caso cu minister Michelle Hooijboer-Winklaar a perde contra Solo di Pueblo, na momento di a scohe un asegurador nobo pa studiantenan na Hulanda, a scohe Insure-to-study. Un compania cu no tabata tin ningun capital, no tabata tin trahador casi, y ni tabata tin un linia di telefon duro. Desde un principio e tabata un caso hopi cuestionabel.
Despues cu den prensa pa 3 siman largo a trese tur e dudanan aki padilanti, e minister a reacciona riba acusacionnan den cual a cuestiona e integridad di e minister, y iregularidadnan den e destaho publico pa cu e pakete di seguro ey. Por ehempel kennan tur a entrega oferta, a base di kiko e compania InsureToStudy a gana e bidding, e scoring sheet, etc. Hopi a cuestiona e escohencia ey, incluyendo prensa. Pero minister Hooijboer-Winklaar no a gusta e acusacionnan y a hiba e corant corte.
Pa su mala suerte e berdad a prevalese, y hues imparcial a dicta cu e corant no a hasi nada malo, cu e corant no a skibi nada cu e mester rectifica.
Es mas, hues a bai mas leew. Hues a dicta cu casa di Michelle Hooijboer-Winklaar tin relación cu e donjonan di Insure-To-Study, y pues aki ta parse di tin privilegio na “friends and family”.
Tambe hues a dicta cu e forma cu minister Hooijboer a atende cu esaki, door di a scohe un compania nobo, y sin capital, por perhudica e studiantenan.
Cu esaki a keda graba den historia e caso cuestionable di Michelle Hooijboer-Winklaar cu a scohe pa privilegia su casa, y perhudica studiantenan.
Pa colmo, e caso tabata trata solamente pa ‘clear’ e nomber di casa di Michelle Hooijboer-Winklaar, pero ta pueblo a paga 23 mil florin pa e caso aki. Pueblo ta exigi pa Michelle Hooijboer-Winklaar paga e placa aki bek!
ORANJESTAD – Den Parlamento a trata varios tema, entre otro corupcion den gobernacion. Den e cuadro aki Lider di MEP a trese padilanti como un di e tantisimo ehempelnan di corrupcion, e caso di “insure-to-study”, cu te awe ta keda un caso hopi cuestionabel.
Nos tur ta corda e caso cu minister Michelle Hooijboer-Winklaar a perde contra Solo di Pueblo, na momento di a scohe un asegurador nobo pa studiantenan na Hulanda, a scohe Insure-to-study. Un compania cu no tabata tin ningun capital, no tabata tin trahador casi, y ni tabata tin un linia di telefon duro. Desde un principio e tabata un caso hopi cuestionabel.
Despues cu den prensa pa 3 siman largo a trese tur e dudanan aki padilanti, e minister a reacciona riba acusacionnan den cual a cuestiona e integridad di e minister, y iregularidadnan den e destaho publico pa cu e pakete di seguro ey. Por ehempel kennan tur a entrega oferta, a base di kiko e compania InsureToStudy a gana e bidding, e scoring sheet, etc. Hopi a cuestiona e escohencia ey, incluyendo prensa. Pero minister Hooijboer-Winklaar no a gusta e acusacionnan y a hiba e corant corte.
Pa su mala suerte e berdad a prevalese, y hues imparcial a dicta cu e corant no a hasi nada malo, cu e corant no a skibi nada cu e mester rectifica.
Es mas, hues a bai mas leew. Hues a dicta cu casa di Michelle Hooijboer-Winklaar tin relación cu e donjonan di Insure-To-Study, y pues aki ta parse di tin privilegio na “friends and family”.
Tambe hues a dicta cu e forma cu minister Hooijboer a atende cu esaki, door di a scohe un compania nobo, y sin capital, por perhudica e studiantenan.
Cu esaki a keda graba den historia e caso cuestionable di Michelle Hooijboer-Winklaar cu a scohe pa privilegia su casa, y perhudica studiantenan.
Pa colmo, e caso tabata trata solamente pa ‘clear’ e nomber di casa di Michelle Hooijboer-Winklaar, pero ta pueblo a paga 23 mil florin pa e caso aki. Pueblo ta exigi pa Michelle Hooijboer-Winklaar paga e placa aki bek!
Expresionnan haci den e articulo aki no necesariamente ta refleha opinion di ArenaPoliti.co