Arubahuis: Minister Plenipotenciario Juan David Yrausquin a cera conoci cu personal di Gabinete di Aruba
![161121 jdy shandra](/cache/klixowatermark/d9937bbb40c4e771995cb84a20005f7c.jpg)
Den Sala Betico sr. Yrausquin a dirigi palabra na e personal. Na e ocacion aki e mandatario a papia riba su metanan pakico ela bin Hulanda. Importante den esaki ta estrecha e lazo entre Aruba y Hulanda y tambe cu Reino. Tambe sr. Yrausquin a bisa di ta hopi enfoca pa keda na altura di loke ta biba bou di e comunidad Arubiano na Hulanda. Juan David Yrausquin a bisa cu den logra y fiha su otro metanan e ta haci un apelacion riba e personal di Gabinete di Aruba loke nan ta mira como importante pa realisa den un aña. Finalmente e mandatario a bisa di lo pasa na tur departamento pa cera conoci cu e personal mas di cerca y haya mas detayes riba nan tareanan.
Den fin di siman cu a pasa minister Yrausquin a yega Hulanda y na cual ocacion ela keda encontra na Schiphol pa directora di Gabinete di Aruba Shandra John.
![161121 jdy Arubahuis](/images/2016-Q4/161121-jdy-Arubahuis.jpg)
Potretnan: Gabinete di Aruba
Expresionnan haci den e articulo aki no necesariamente ta refleha opinion di ArenaPoliti.co