Maisa Faro (PDR): Pabien Aruba riba dia Internacional di Famia
![MaisaFaro01](/images/779x490/MaisaFaro01.jpg)
Kiko ta famia?
Famia ta nifica, e medio ambiente mas intimo social. Den e famia bo ta hereda e proceso vital cu ta: social, balor (pasenshi, cariño, comprondemento y commitment). Tur pregunta cu wordo haci na cualkier persona p.e. Pa kiko bo ta traha? of Kiko ta motiva bo pa cada dia bo ta haci mescos? E contesta simplemente lo ta : mi ta hacie pa “Mi Famia”.
Si nos bai bek den tempo, nos por a mira cu e ser humano a pasa den diferente concepto di transformacion y cambio, pero apesar di tur cos e esencia di un famia no a cambia pa nada.
Mas o menos 22 aña pasa, Nacion Uni a organisa un asamblea cu e topico di famia y su importancia y alavez a fiha e fecha di 15 Mei como e dia Internacional di Famia. E tematica aki di Famia, ta uno cu por trece un comunidad hunto door di su influencia positivo segun studio haci. E influencia ta cu por lo general ora un hoben ta lanta den un famia sano, stabil y bon structura e lo bai tin menos problema cu scol, sociedad caracter etc. Pero un hoben cu lanta den un famia no mucho stabil y cu problema por encontra su mes cu futuro problemanan entre otro hudicial, problema cu su crecemento, educacion ect.
Aruba ta un poblacion chikito, humilde y ta enfoca riba famia. E sintimento di crece den un famia sano ta masha normal pa nos. E nucleo di famia ta di gran importancia y te asta pa e comunidad door cu casi tur hende ta un of otro manera relaciona familiarmente cu e otro. Nos Arubiano por siña otro paisnan na mundo kiko ta e nificacion di nucleo familiar. Claro nos tin sierto problema den sierto famia, pero no ta nada comparabel cu otro paisnan. P’esey mi kier a termina di bisa cu nos ta un pais chikito pero cu raïs familiar fuerte.
Expresionnan haci den e articulo aki no necesariamente ta refleha opinion di ArenaPoliti.co