MENSAHE ESPECIAL DI PPA RELACIONA CU DIA INTERNATIONAL DI TURISMO, FECHA 27 DI SEPTEMBER 2015. 

Den cuadra di e dia Internacional di Turismo, PPA kier a hala atencion den nos comunidad di Aruba pa e consecuencia di ‘rising sea waters’ cu no a ricibi suficiente atencion di parti di gobierno di Aruba, Staten di Aruba, sector hotelero y pueblo den su totalidad.

No kabe duda cu na momento cu gobierno y staten di Aruba hasi esaki …cu esaki lo trece cu ‘extra’ gasto lo mester worde poni riba presupuesto di pais Aruba den cuadra di un maneho pa limita e eventual danjo cu ‘rising sea waters’ lo por causa den futuro. Pero hecho ta cu si Aruba keda sin dedica atencion na esaki …cu Aruba por perjudica su mes severamente.

PPA ta bolbe referi na un rapport cu a worde traha pa ECLAC for di 2011 esta un estudio riba e consecuencianan di ‘rising sea waters’ pa Aruba e rapport jama AN ASSESSMENT OF THE ECONOMIC IMPACT OF CLIMATE CHANGE ON THE TOURISM SECTOR IN ARUBA.

PPA ta cita primeramente for di e executive summary:

“ Projections of tourism demand from 2010 – 2050 are done on the basis of two climate scenarios: the International Panel of Climate Change(IPCC) A2 and B2 scenarios (BAU) is the comparator. Apart from temperature and precipitation there are other climate variables that have the potential to negatively affect the tourism sector in Aruba. As a result, the costs were calculated taking into consideration changes in temperature and precipitation, sea level rise and destruction of ecosystems (specifically coral reef loss) due to ocean acidification.

It was found that under the two climate change scenarios there is a decline in tourist income to the island. Specifically, by mid-century Aruba can lose over US 12 billion under the A2 scenario and US$. 13 billion under the B2 scenarios in the tourism sector.

Pa PPA ta incromprendible cu ora ta existi un rapport di e indule aki cu conclusionan cu ta senjala posibel danjo devastador cu e topico aki no a bira un punto di e agenda nacional di nos pais no a hanja e atencion cu e merece den parlamento di Aruba y cu te awe no a sali un peticion pa Hulanda pa juda analisa Aruba y mira kiko lo mester worde hasi pa limita posibel danjo den futuro.

Majoria di nos hotelnan ta construi riba beachnan di pais Aruba…..Kiko e ta nifica pa Aruba si lama pa 2050 hisa cu 1 meter ?? Kiko e lo nifica pa Aruba si lama rond di Aruba subi cu 2 meter pa 2080/2100 ?? Den otro rapportnan den Caribe PPA por a lesa cu kada subida di 1 meter ta nifica un perdida di minimal 32 meter di beach/tera….?? Ki effecto esaki lo tin pa nos hotelnan ?? Kiko esaki ta nifica pa nos industria turistico ?? Rapportnan traha pa Caribe henter ta indica cu Caribe lo perde 300 hotel…un cantidad di pista di aterizahe di aeropuertonan lo cai bao di lama pa no papia mes di miles di cas cu ta construi cerca di lama….??

Naturalmente ningun hende ta desea un ‘drama’ asina pero PPA ta keda mustra con otro isla den Caribe a larga hasi estudionan hunto cu Universidad di Oxford y cu e resultado aki a entrega esaki na Naciones Unidas cual na su turno ta financiando e islanan aki pa ejerce projectonan pa liminta e danjo…p.e. ta aumenta e careteranan publico serca di lama cu mas cu un meter …. Ta traha ‘dijknan’ chikito rond di aeropuertonan pa evita cu lama lo por subi tereno di aeropuerto……ta traha ‘dijknan’ na unda ta kere cu un dia e lama lo por inunda e islanan. Pero na Aruba nada mes no a worde hasi ….y mientras tanto a pasa un 20 anja desde cu e topico aki a cuminsa ricibi atencion internacional.

Un vez mas den e cuadra di e dia Internacional di Turismo…27 di September 2015, PPA ta hasi un jamada na TUR instancia constitucional di Aruba, Gobierno di Aruba, Parlamento di Aruba,ATA y instancia priva manera AHATA, ATA, ATIA, KvK….pa dedica atencion na e materia aki prome cu e bira demasiado laat . PPA ta pidi pa reunionan ‘nacional’ pa discuti e posibel consecuencia di aumento di lama…rising sea waters. Miho actua na tempo prome cu pueblo jora malai !!

Nos industria di turismo ta nos pilar economico cu ta e curazon di nos economia….pesey mes sinta por nada y larga tempo valioso pasa NO mag ta un opcion…’wake up & smell the coffee’…..Aruba a perde hopi anja kaba riba e topico impactante aki .Ta hora pa actua !!


Aruba, 25 di September 2015

Expresionnan haci den e articulo aki no necesariamente ta refleha opinion di ArenaPoliti.co