Pa algun anja e unico partido politico cu a hiba un lucha pa conscientisa Gobierno di Aruba, Parlamento di Aruba y pueblo di Aruba en general cu e asina jama ‘climate change/rising sea waters’ lo ta un peliger imenente pa pais Aruba, pa nos pilar economico turismo, pa un cantidad di ciudadano cu lo ta biba cerca di lama y pa varios infrastructura di pais Aruba.

SInembargo PPA un partido politico serio cu un 66 anja di existencia a sigui cu nos lucha splicando tanto na ‘facebook’ como door di manda comunicado di prensa y declaracionan na cierto radio emisora. PPA a splica cu un aumento di lama lo tin un peliger serio pa nos pilar Turismo y PPA a cuestiona e silencio di Gobierno di Aruba, di parlamento di Aruba riba e topico aki.

Por fin, por fin for di Paris, Francia Ministro Presidente Mike Eman a duna un declaracion cu a capta atencion di hopi ciudadano riba ‘facebook’ y otro medio social unda Ministro Presidente Mike Eman a declara y PPA ta cita:
“ARUBA BEDREIGD DOOR HOGERE ZEESPIEGEL”

Ook Aruba , onderdeel van het Nederlandse Koninkrijk wordt serieus bedreigd. Dat zegt de Arubaanse Premier Eman op de klimaattop in Parijs. Voor Aruba gaat het vooral om het kustgebied waar wij achtduizend hotelskamers hebben. Deze hotels staat op een hele mooie kustlijn, die maar een (1) meter boven de zeespiegel uitsteekt. El a jama esaki ‘een bedreiging voor de economie’ !!

Exactamente locual PPA como UNICO partido politico a senjala for di algun anja pasa y pa cual PPA a worde cualificas pa loco ….nos lo no sa di kiko nos ta papia !!

Wel wel awor henter pueblo di Aruba por huzga e situacion y con PPA tin razon den e problematica serio aki.

Prome Ministro Eman a splica tambe cu Aruba ta hasciendo lo maximo pa manda menos ‘gas’ etc laira…y cu Aruba lo tin intencion pa na 2020 no ta manda nada mes.

Sinembargo esaki NO ta e ‘issue’ mas importante…..manera PPA a splica varios vez, diferente isla den Caribe a hasi estudio junto cu e Universidad di Oxford pa analisa kiko ta na peliger y kiko mester hasi pa limita e danjo aki. E rapport aki a conduci cu Naciones Unidas ta financiando diferente isla den Caribe.

REINO HULANDES;

Aruba como pais den Reino Hulandes tin e pais Hulanda cu ta e pais na mundo cu mas experiencia di biba bao nivel di lama y cu ta e ‘consultant’ major den mundo pa e situacionan aki. Lamentablemente te dia di awe tanten cu nos sa Aruba NO a pidi Hulanda pa juda Aruba den ningun forma riba e problematica aki. Aruba mes te awe NO a pone ningun fondo disponibel pa limita e danjo aki….y compronde bon e danjo lo por ta grandi si lama mester subi cu un meter . Esaki lo nifica cu districtonan manera Zeewijk, Curacabai, Savaneta pa zuid, Pos CHikito pa zuid, un parti di Balashi, vecindario di Aeropuerto , Oranjestad, tanto e hotelnan banda di Hospital etc y tambe e Hotelnan grandi na Noord …TUR lo core peliger seriamente. Pakiko Aruba te awe no a hasi nada y no a hasi esaki un topico ‘nacional’ . Pa e simple motibo cu e lo nifica cu lo mester pone un suma riba presupuesto pa limita e danjo aki den futuro. Y esaki lo nifica cu e ‘deficit’ di Aruba su presupuesto lo aumenta substancialmente. Pesey gabinete Mike Eman AVP na forma irresponsabel te awe a keda den un silencio riba e topico aki. Y parlamento di Aruba igualmente. Unico instancia cu a ranca na e bel …ta partido PPA….e partido fundador di nos turismo y cu ta consciente di e peliger cu tur esaki ta forma pa nos pilar economico turismo.

Pa PPA ta un Alivio cu Prome Ministro Mike Eman por fin a reconoce e peliger grandi aki ….maske nos lo a prefera cu el a confronta nos pueblo na Aruba en vez di declara esaki den un ‘entrevista’ for di Paris Francia. PPA ta spera cu parlamento di Aruba cu a drumi riba e materia aki lo habri nan wowo y cuminsa trata e peliger aki. PPA lo bin bek den mas comunicado riba e materia aki !!

ARUBA, 2 di December 2015

Expresionnan haci den e articulo aki no necesariamente ta refleha opinion di ArenaPoliti.co