CONGRESO MEP 2015 

STA. CRUZ - Den e ultimo dianan e grabacion di e Congreso 2015 di partido MEP ta wordo pasa na television via Canal 22 y un aspecto cu a resalta aparte di e union y entusiasmo di lider di MEP y tur candidato di MEP, ta e hecho cu partido MEP y especialmente e lider Evelyn Wever-Croes ta gosa di sosten internacional tambe.
Sr. Clark Abraham, lider di partido Demokrat na Boneiro y alaves deputado tabata presente y a duna un discurso elocuente enfocando riba e positivismo den e gran famia di MEP y especialmente riba e forma con centenares di persona presente a ricibi nan lider. Otro punto tabata e relacion cu partido Demokrat tin cu partido MEP.
Sr. Giovanni Atalita, vice presidente di partido MAN tambe a hiba palabra y a enfoca riba e lasonan cu ta uni e partidonan MEP y MAN. Y sr. Atalita a hasi un yamada na tanto Aruba como Boneiro pa uni pasobra e lucha pa nos autonomia awor ta cuminsando di nobo y nos mester uni mas cu nunca.
E partido ruman di MEP na Hulanda, Partij van de Arbeid, a manda un mensahe di exito pa lider di MEP Evelyn Wever-Croes y henter e equipo di MEP cu e Congreso. Debi na otro compromisonan lider di PvdA sr. Diederik Samsom no por a atende e Congreso 2015.
Tambe tabata tin politiconan presente di Mexico, Republica Dominicana, El Salvador y Venezuela.
E lasonan internacional a hunga un papel crucial den pasado pa Aruba logra su Status Aparte y ta mustra cu e lasonan aki tey ainda, y hopi fuerte.

Expresionnan haci den e articulo aki no necesariamente ta refleha opinion di ArenaPoliti.co