E ta refleha e multiculturalidad di nos isla

Minister Otmar Oduber a ricibi for di man di periodista Linda Reijners e buki cu sigur ta ilustra e cultura di nos isla,”We Are Aruba”. E buki aki ta conta e historia multicultural di Aruba y di con Aruba semper tabata asina atractivo pa hendenan yega aki y cuminsa nan bida na nos isla.
Linda Reijners a entrevista un total di 74 persona di diferente parti di mundo y nan ta splica con nan a yega Aruba, kico ta nan pasado na nan pais di origen, kico ta nan deseo pa Aruba y dicon nan ta haya nos isla asina importante.
Minister Oduber ta haya e buki aki di gran interes mirando cu ta pone enfasis riba cultura y diversidad, mientras cu ta duna atencion na un di e caracteristicanan principal di nos isla cu ta nos cordialidad cu ta atrae hopi hende.

Expresionnan haci den e articulo aki no necesariamente ta refleha opinion di ArenaPoliti.co