Glenbert Croes na Ministro Benny Zievinger. 

E abuso cu terreno di nos Pueblo permiti dor di Ministro Benny Zievinger dor cu ta e Grupo di AVP rondi dje y Partido AVP ta haciendo negoshi sin escrupulo y sin limite, ta sigi. Nos kier ta categorico: E GOBIERNO NOBO DI MEP LO REVOKA TERRENONAN CU A HACI NEGOSHI CU NAN PA ASINA DUNA TERRENONAN AKI PA CONSTRUCCION DI CAS NA PUEBLO. 
E Gobierno nobo di MEP lo redestina terrenonan comercial pa terrenonan pa construccion di Cas pa Pueblo y di Pueblo pa asina sigura cu e 10.000 cuidadanonan y cuidadananan cu ta wardando pa un terreno pa traha nan cas nan tur haya nan terreno. Y tambe pa asina e casi 3000 hendenan wardando pa casnan social di Pueblo haya nan cas. 

Den rueda di prensa nos a duna dos testimonio di casonan cu a tuma lugar den Gabinete Mike Eman 1 & 2...1: Un inversionista a wordo referi dor di un otro Ministro pa bai na Ministro Benny Zievinger pa solicita un terreno cu bon localidad pa desaroya un Hotel di alta calidad. Ministro Benny Zievinger a bisa e inversionista cu e terreno cu e kier no ta disponibel. E inversionista a gradici y ni 2 minuut saliendo di oficina di Benny Zievinger e inversionista ta haya un yamada riba su cel di un di e integrantenan di e Grupo di Corrupcion rond di AVP y Ministro Benny Zievinger bisando e inversionista cu pa 2 miyon florin e por regla e terreno cu e kier pe. 

2: Un otro miembro di e Grupo di Corrupcion rond di AVP y Ministro Benny Zievinger cual integrante e so a bende 17 terreno di Pueblo, den un caso e a bai haci un intercambio cu terreno eigendom cu Gobierno pe haya un terreno erfpacht, y despues di e intercambio Gobierno a bolbe dune den erfpacht e terreno eigendom cu e la entrega na Gobierno kedando cu dos terreno pa erfpacht pe negocia.

NO TIN NOMBER PA E ABUSO DI MARCA MAYOR AKI CU MINISTRO BENNY ZIEVINGER Y AVP TA COMETIENDO CU PATRIMONIO DI PUEBLO. ESAKI NO TA CORRUPCION MAS, ESAKI TA MAS GRAVE CU CORRUPCION MIENTRAS PUEBLO TA WARDANDO AÑAS PA HAYA UN TERRENO PA TRAHA NAN CAS OF PA HAYA UITBREIDING. Empresarionan ta biniendo dilanti pa duna testimonio pa e practica aki cu no tin otro palabra pa yame. Si OM no actua nos lo hiba OM corte paso di un forma of otro e abusonan aki mester para. TUR HENDE TIN DERECHO PA PIDI TERRENO PERO PUEBLO NO TIN E MESUN PRIVILEGIO CU E GRUPO DI CORRUPCION ROND DI AVP TIN. E COSNAN AKI MESTER PARA AWOR.

Expresionnan haci den e articulo aki no necesariamente ta refleha opinion di ArenaPoliti.co