Gabinete ME II: Studiantenan di Aruba ta paga mes tanto tuition cu residentenan di South Carolina
President di University of South Carolina dr. Harris Pastides hunto cu un delegacion tabata di bishita cerca Prome Minister Eman y Minister Hooijboer. Na nan salida di oficina di Prome Minister Eman Pastides a splica cu su Universidad tin un relacion historico cu Aruba. Asina Minister di Enseñanza sra. Hooijboer a bishita nan na 2014 y awor nan a bin Aruba pa mira con expande riba educacion cu ta importante y riba e oportunidadnan pa tur hende envolvi.
Pastides a bisa cu su universidad ta ofrece tecnologia ‘online’. “Nos por traha cu Ministerio di Enseñansa y Universidad di Aruba pa alcansa studiantenan cu por ta no tin e moda pa fisicamente atende college na Merca of otro parti di mundo. Riba tereno di maneho di Turismo nos tin e oportunidad pa mehora y perfecciona e trainingnan door di introduci un programa di intercambio di studiante. Asina studiantenan di Aruba ta bay na mi Universidad y studiantenen di Merca ta bin atende e Universidad aki.”
Pastides masha satisfecho a papia di e sistema bentahoso di ‘tuition’ cu nan ta ofrece. “Nos a caba di cera un areglo nobo cu ta ofrece e studiante di Aruba pa paga ‘in-state-tuition’. Esey ta nifica cu boso ta bay ta un di e poco hendenan na mundo cu ta haya e oportunidad aki. Studia na Universidad di South Carolina y paga mes tanto cu e studiante residente di South Carolina ta paga. Esaki ta algo masha economico pa Aruba si compar’e cu loke nan lo mester paga como un studiante di exterior.“ Pastides a conta cu ya e areglo di ‘tuition’ aki ta cla y studiantenan por haci uzo di dje. Gobernador di South Carolina a firma e acuerdo aki dia 1 di october di 2014. “Nos tin studiantenan ta biniendo caba na nos Universidad. E cantidad no ta hopi ainda, pasobra ta awor numa nan a tende di dje. Nos ta spera cu pa na luna di September di e aña aki cu nos por tin por lo menos 50 studiante di Aruba biniendo cerca nos.”
Pastides a bisa cu su universidad ta ofrece tecnologia ‘online’. “Nos por traha cu Ministerio di Enseñansa y Universidad di Aruba pa alcansa studiantenan cu por ta no tin e moda pa fisicamente atende college na Merca of otro parti di mundo. Riba tereno di maneho di Turismo nos tin e oportunidad pa mehora y perfecciona e trainingnan door di introduci un programa di intercambio di studiante. Asina studiantenan di Aruba ta bay na mi Universidad y studiantenen di Merca ta bin atende e Universidad aki.”
Pastides masha satisfecho a papia di e sistema bentahoso di ‘tuition’ cu nan ta ofrece. “Nos a caba di cera un areglo nobo cu ta ofrece e studiante di Aruba pa paga ‘in-state-tuition’. Esey ta nifica cu boso ta bay ta un di e poco hendenan na mundo cu ta haya e oportunidad aki. Studia na Universidad di South Carolina y paga mes tanto cu e studiante residente di South Carolina ta paga. Esaki ta algo masha economico pa Aruba si compar’e cu loke nan lo mester paga como un studiante di exterior.“ Pastides a conta cu ya e areglo di ‘tuition’ aki ta cla y studiantenan por haci uzo di dje. Gobernador di South Carolina a firma e acuerdo aki dia 1 di october di 2014. “Nos tin studiantenan ta biniendo caba na nos Universidad. E cantidad no ta hopi ainda, pasobra ta awor numa nan a tende di dje. Nos ta spera cu pa na luna di September di e aña aki cu nos por tin por lo menos 50 studiante di Aruba biniendo cerca nos.”
Expresionnan haci den e articulo aki no necesariamente ta refleha opinion di ArenaPoliti.co